Sport menejmenti va iqtisodiyot

1. Qo‘shilish (qo‘shib olish). Qo‘shilish deb - yangi jamiyatning unga
qo‘shilish haqida qaror qilgan, ularning faoliyat yuritishi to‘xtatiladigan bir nechta
jamiyatlarning barcha huquq va majburiyatlari berilishi yo‘li bilan tashkil topishiga
aytiladi. Boshqacha qilib aytganda, har bir jamiyatni yuridik jihatdan tugatish ro‘y
beradi va yangi tashkiliy struktura tuziladi. Mos ravishda, barcha mavjud
boshqaruv organlari bekor qilinadi va yangi tashkil qilingan kompaniyada
aksiyadorlar umumiy yig‘ilishi, Direktorlar kengashi, Boshqarma – hammasi
yangidan tashkil etiladi.

2. Birlashish. Birlashish deb - jamiyatning barcha huquq va majburiyatlarni boshqa jamiyatga bergan holda o‘z faoliyatini to‘xtatishiga aytiladi. Ya’ni, o‘ziga jamiyatni birlashtirib oladigan tashkilot bu jamiyatning barcha mulkiy majmualarini, aktivlari va hokozolarni idora qilishi mumkin, lekin shu bilan bir paytda u mazkur jamiyatning uchinchi shaxslar oldidagi barcha majburiyatlarini ham o‘z zimmasiga oladi.

3. Tugatish. Jamiyatni tugatish jamiyatning huquq va majburiyatlarini
boshqa shaxslarga o‘tkazmagan holda uning faoliyatini to‘xtatishni anglatadi.
Jamiyatni ko‘ngilli ravishda tugatish haqida qaror aksiyadorlar umumiy
yig‘ilishida qabul qilinadi, majburiy ravishda tugatish esa sud qaroriga ko‘ra
amalga oshiriladi.

4. O‘zgartirish. Jamiyat mas’uliyati cheklangan jamiyatga, ishlab chiqarish
shirkatiga yoki notijorat hamkorligiga o‘zgartirilishi mumkin. Aksiyadorlar
umumiy yig‘ilishining kun tartibiga jamiyatni o‘zgartirish tartibi va shartlari,
jamiyat aksiyalarini mas’uliyati cheklangan jamiyat qatnashchilarining
qo‘yilmalariga yoki ishlab chiqarish shirkati a’zolarining pay badallariga
almashtirish tartibiga aloqador masalalar bilan birgalikda jamiyatni o‘zgartirish
masalasi qo‘yiladi..

5. Taqsimlash. Taqsimlash deb - tashkilot faoliyatini to‘xtatish va uning
barcha huquq va majburiyatlarini yangi tashkil etiladigan jamiyatlarga berish tan
olinadi. Aksiyadorlar umumiy yig‘ilishida kun tartibiga jamiyatni taqsimlash
tartibi va shartlari, yangi jamiyatlar tashkil qilish, taqsimlanadigan jamiyat
aksiyalarini yangi tashkil etiladigan aksiyadorlik jamiyatlari aksiyalariga
almashtirish tartibi haqidagi masalalar qo‘yiladi, shuningdek, taqsimlash balansi
tasdiqlanadi.