So‘z boshi

III. Yangi mavzuning bayoni.

Video: Tasvirda qator bog‘lar tasvirlanadi. Tasvir vaqtida mayin kuy bilan quyidagi she’r o‘qiladi. Dilshod Rajab

Otamning bog‘i

Kirib boq bir bu boqqa,

Jam bunda eram husni.

Hayratlanib quchoqdan

Tushib ketar tarvuzing.

Kular xandon pistalar-

Bog‘ning quvnoq qizlari.

Uyatchan giloschalar

Turar cho‘g‘day qizarib.

Bu xo‘b odobli tok-da,

Egilib tutar uzum.

Qara, “lampochka”-nokka

Yorishib ketar yuzing.

Qanttay, deysan totisang

Ana shu qantak o‘rik.

Choynak tushar yodingga

Anor, behini ko‘rib.

Pishib yorilgan anor-

Kulib yuborgan pari.

Ko‘rinar qator-qator

Yoqut kabi tishlari.

Bu yoqqa boq, bu yoqqa,

Ko‘rsatay bog‘ go‘zalin.

So‘zim kirmas quloqqa,

Olma terar ko‘zlaring.

Qay biriga qarashni

Bilmay shoshib qolding-a.

Shaftolini aytolmay

“Shap-shap-shap” deb tolding-a?

Shunday, mevasin totib

To‘yarsan o‘zing, do‘stim.

Lekin bu boqqa boqib

To‘ymas hech ko‘zing, do‘stim.

Bog‘lar tasviri aks etgan videorolik asosida nutqiy mavzu tushuntiriladi. Shu jarayonda 2-topshiriq “Bog‘da” matni bilan ishlanadi. O‘quvchilar matnni zanjir usulida o‘qiydilar. Quyidagi savollar asosida mavzu mustahkamlanadi.

1. 
   Bog‘da nimalar pishadi?
   
2. 
   Bog‘ga borganmisiz?
   
3. 
   Mevalarga nimalar kiradi sanang.
   
4. 
   Mevalar va sabzavotlarning farqli tomonlarini izohlang.
   
5. 
   Bog‘da o‘zingiz ham meva terganmisiz?
   
6. 
   Qancha meva tergansiz?
   
7. 
   Bog‘dagi daraxtlarni kim parvarish qiladi?
   
8. 
   Bog‘bon qanday ishlarni qiladi?
   
9. 
   Nima uchun bog‘larni asrash kerak.