So‘z boshi

1-mashq. O‘quvchilar savollarga javob beradilar. III. Yangi mavzuning bayoni. X tovushi tilning eng orqa qismidan sirg‘alib

chiquvchi undosh bo‘lib, nisbatan qattiq talaffuz qilinadi.

H tovushi esa bo‘g‘izdan sirg‘alib chiqadi va yumshoq aytiladi.

Qiyoslang:

shox– shoh, xol –hol, xalta –halqa.

X va h tovushlarini to‘g‘ri talaffuz qiling! O‘qituvchi o‘quvchilar bilan birgalikda so‘zlarni talaffuz qiladi.

Xona hovli

Xontaxta dahliz

xizmat hurmat

dasturxon hashamatli

ixcham ishtaha

oshxona mahalla

Darslik bilan ishlash. 2-mashq. O‘quvchilar sinf doskasida ikkitadan bo‘lib bajaradilar. Nuqtalar o‘rniga x va h harflaridan mosini qo‘yib so‘zlarni o‘qiydilar va yozadilar.

Matn bilan ishlash. 3-mashq. O‘quvchilar “Sen yashaydigan uy” matnini zanjir usulida o‘qiydilar. Matn ichida kelgan savollarga javob beradilar. X va h undoshlari ishtirok etgan so‘zlarni daftarlariga yozadilar. Matn quyidagi savollar asosida mustahkamlanadi.

1. 
   Siz qanday uyda yashaysiz?
   
2. 
   Ko‘p qavatli uylardami yoki hovlida?
   
3. 
   Uyimiz atrofi, uyimiz ozoda bo‘lishi uchun nimalar qilishimiz kerak?
   
4. 
   Ozoda so‘ziga yaqin ma’nodosh so‘zlarga misollar keltiring.