Sotsial geografiya jumaxanov Sh., Toshpo’latov A

SOTSIAL VA MADANIY GEOGRAFIYA
 Darslik
 
 
111 
Polshada Zakopane, Slovakiyada Shtrbske-Pleso Ruminiyada Sinaya va Predyal, 
Bolgariyada Borovets va Pamporovo manzillari shular jumlasidandir. Bu hududlarda 
mineralli buloqlar va shifobaxsh balchiqlari bilan mashhur kurortlar: Germaniyada 
Baden-Baden va Bad-Elter, Chexiyada Karlov-Vari va Marianske-Lazne, Polshada 
Krinitsa, Ivonich va Shavnitsada joylashgan. Janubiy-Sharqiy Yevropada Matsoha, 
Postoyna, Agtelek, Magura g’orlari bilan nom taratgan va sayyohlar bilan gavjum. 
Umumiy qilib aytganda, bugungi texnologiyalar rivojlangan jamiyatda aholining 
zich va shovqinli shaharlardan zerikishi kuchaymoqda. Shu xususida, ularning dam olish 
va xordiq chiqarish ehtiyojida turistik va rekreatsion maskanlarning ahamiyati beqiyos 
bo’lmoqda. Demak, hududlar o’zining imkoniyatlaridan kelib chiqqan holda, chetdan 
tashrif buyuruvchilarni qabul qilishni tashkil etsa, ijtimoiy-iqtisodiy jihatdan samarali 
bo’ladi. 
1.
Rekreatsion geografiya nimani o’rganadi? 
2.
Rekreatsion tizim tarkibiga nimalar kiradi? 
3.
Rekreatsion mashg’ulot nima? 
4.
Rekreatsion vaqt va makon tushunchalarini izohlang. 
 
Mavzuga doir asosiy tushunchalar: 
Rekreatsiya
(yunoncha, “qayta tiklanmoq”) – xordiq chiqarish 
maqsadida dam olish, sog’ligini tiklash uchun davolanish, estetik zavq olish 
maqsadida sayohat qilish bilan bog’liq faoliyat. 
Rekreatsiya geografiyasi
– insonlarning sog’ligini mustahkamlashga, 
garmonik jihatdan rivojlanishiga xizmat qiluvchi sohalarni o’rganadigan ijtimoiy 
geografiyaning muhim bir tarmog’i. 
Rekreatsion brendlar
– dam olish, xordiq chiqarish va davolanish 
uchun tashrif buyuradiganlarni o’ziga eng jalb etadigan, mashxur va imkoniyatlari 
yuqori turistik va rekreatsion obyektlar.