Sotsial geografiya jumaxanov Sh., Toshpo’latov A

SOTSIAL VA MADANIY GEOGRAFIYA
 Darslik
 
 
110 
km ga cho’ziladi. Dubrovnik Opatiya, Split kabi mashhur dengiz kurorti shaharlari 
mavjud. 
Gretsiya
da Egey dengizi qirg’oqlarida ham ko’pgina dengiz kurorti rayoni 
mavjud. 
Qora dengizning g’arbiy qirg’oqlarida Bolgariya va Ruminiya dengiz kurortlari 
rayonlari bo’lib, geografik jihatdan Gretsiya kurort qirg’oqlarining davomidir. Bu yerda 
yirik dengiz kurortlari majmualari shakllangan: Ruminiyada Mamaya, Eforiya, 
Konstantsa; Bolgariyada Oltin qum, Drujba, Albena, Varna, Quyoshli qirg’oq, Nesebor, 
Burgasa kabi rekreatsion rayonlar bor. 
Xorijiy Yevropaning dengiz turizmi faqat O’rta Yer dengiz qirg’og’i kurortlari 
bilan chegaralanmaydi. Atlantika okeani va Boltiq dengizi qirg’oqlarida ham dengiz 
kurorti taraqqiy etgan. Bu qirg’oqlarda Ispaniyaning Bayonna, Fransiyaning Sen Malo, 
Belgiyaning Ostenda, Buyuk Britaniyaning Brayton va Bornemut, Polshaning Sapot 
kabi rekreatsion markazlari mavjud. Jahon turizmi va rekreatsiyasida mashhur bo’lgan 
Kanar orollari ham Ispaniyaga tegishli bo’lib, materikdan 1150 km uzoqlikda 
joylashgan. 
Tog’ turizmi
va rekreatsiyasi bo’yicha Alp tog’lari birinchi o’rinni egallaydi. 
Unga har yili 80 dan 150 mln kishigacha dam olish uchun kelishadi. Alp rayonida 
rekreantlarni qabul qiluvchi asosiy mamlakatlar Avstriya va Shveytsariya bo’lib kelgan 
va hozirga qadar shundayligicha qolmoqda. Shu mamlakatlar qatoriga iqlimi qulay tog’ 
sport rekreatsiyasi markazlari sifatida Fransiya, Italiya, Germaniya, Lixtenshteyn, 
Sloveniyaning tog’li hududlarini ham kiritish mumkin. Fransiyada Shamoni, 
Shveytsariyada Davos, Italiyada Boromio, Germaniya, Garmish-Partenkirxen shular 
jumlasidandir. 
Hozirgi kunda Alp tog’ rekreatsiyasining moddiy texnik bazasi eng yuqori 
darajaga yetgan. Hududda rekreantlar soni mavsum davomida 3 mln kishidan oshib 
ketadi. Qirlarga rekreantlarni olib chiquvchi texnik uskunalar soni 12 mingdan ortiq va 
40 mingdan ortiq chang’i trassasi bor. Tog’ chang’i turizmining ikkinchi yirik rayoni 
Markaziy Yevropa tog’laridir. Ular asosan, Sudet, Karpat va Rila-Rodopda bo’lib, 
xalqaro tog’ kurorti sifatida mashhurdir. Germaniyada Oberxof va Obervizental, 

---