Soliqlar va soliqqa tortish” kafedrasi “Jismoniy shaxslarni soliqqa tortish” fani mavzu: mavzu: jismoniy shаxslаr dаromаd soligʼini hisoblаsh vа budjetgа toʼlаsh

O`ZBEKISTON RESPUBLIKASI
OLIY VA O`RTA MAXSUS TA`LIM VAZIRLIGI

TOSHKENT MOLIYA INSTITUTI

“SOLIQLAR VA SOLIQQA TORTISH” KAFEDRASI

“Jismoniy shaxslarni soliqqa tortish” FANI

MAVZU: MAVZU: JISMONIY SHАXSLАR DАROMАD
SOLIGʼINI HISOBLАSH VА BUDJETGА TOʼLАSH
TАRTIBI

KURS ISHI

Bajardi: SST-50 guruh talabasi Ibragimova Nigina
Ilmiy rahbar:dots.Qiyosov Sherzod

Toshkent-2022


REJA:

Kirish
1.Jismoniy shaxlardan olinadigan daromad solig’i to’lovchilari. Jismoniy shaxslarning jami yillik daromadlari.
2.Jismoniy shaxlardan olinadigan daromad solig’i obyekti,bazasi va stavkalari.
3.Jismoniy shаxslаr dаromаd soligʼidan imtiyozlar.
4.Jismoniy shаxslаr dаromаd soligʼini hisoblаsh vа budjetgа toʼlаsh tаrtibi.
Xulosa
Foydalanilgan adabiyotlar.


KIRISH.

O‘zbekiston Respublikasi Prezidenti Shavkat Mirziyoevning Oliy Majlisga Murojaatnomasida quyidagi vazifalarni amalga oshirish lozimligi ko‘rsatib o‘tilgan.

Iqtisodiy islohotlarning pirovard maqsadi kambag‘allikni qisqartirish va aholi farovonligini oshirishdan iborat bo‘ladi. Ushbu strategik maqsadlarga hamma uchun teng imkoniyat yaratadigan yuqori iqtisodiy o‘sish hisobiga erishiladi.
So‘nggi yillarda iqtisodiyotimizning barcha jabhalariga bozor mexanizmlarini joriy etish borasida jiddiy qadamlar tashlandi. Chuqur tarkibiy islohotlar orqali uzoq muddatli barqaror o‘sishning poydevorini yaratishdan iborat. Shularni inobatga olib, keyingi yillarda quyidagi yo‘nalishlarda keng qamrovli ishlarni amalga oshirish lozimligi ta’kidlab o‘tilgan.

1. 
   Iqtisodiyotda tarkibiy o‘zgarishlarni amalga oshirishda davlat kompaniyalarini transformatsiya qilishni jadallashtirish.
   
2. 
   Tarkibiy islohotlarning yana bir yo‘nalishi bu – davlatning iqtisodiyotdagi ishtirokini kamaytirish.
   
3. 
   Tovar va moliya bozorlarida erkin raqobat muhitini shakllantirish hamda tadbirkorlarga xomashyo sotib olish uchun teng imkoniyatlar yaratish.
   
4. 
   Iqtisodiy faollik va aholi daromadlari o‘sgani sayin, energiya resurslariga bo‘lgan talab ortib boradi. Shuning uchun neft-gaz va energetika sohalaridagi islohotlarni va boshlangan yirik loyihalarni yakuniga yetkazish lozim.
   
5. 
   Iqtisodiy o‘sishga, avvalo, raqobatdosh sanoat zanjirlarini yaratish hamda bunday loyihalarga investitsiyalarni ko‘paytirish orqali erishiladi.
   

Keyingi yillarda mamlakat iqtisodiyotining barcha sohalarida chuqur o‘zgarishlar yuz bermoqda. O‘zbekiston o‘z imkoniyatlari, bozor munosabatlarining o‘ziga xos bo‘lgan jihatlarini inobatga olib, taraqqiyotning yangi istiqbollari, yangi iqtisodiy strategiyasi belgilab berilmoqda. Iqtisodiyotni isloh qilish va jamiyatni rivojlantirish tanlangan yo‘lning to‘g‘riligini isbotladi. Islohotlarning bosqichma-bosqich o‘tkazilishi, kuchli ijtimoiy siyosat O‘zbekistonda amalga oshirilayotgan o‘zgarishlarning ijobiy natijalarini bermoqda. Mamlakatda sodir bo‘layotgan ijtimoiy va iqtisodiy o‘zgarishlar bunga asosdir. Iqtisodiy islohotlar boshlangan davrdan hozirgi kungacha o‘tgan vaqt mobaynida respublikamizda iqtisodiy islohotlar yangi bosqichga ko‘tarildi. Bu esa o‘z navbatida iqtisodiy, shu jumladan, soliq sohasida ham bir qancha o‘zgarishlar amalga oshirilmoqda. Xo‘jalik yurituvchi sub’yektlar faoliyatini rag‘batlantirish, ular zimmasidagi soliq yukini keskin kamaytirish, soliqlarni davlat byudjeti daromadlaridagi salmog‘i va milliy iqtisodiyotdagi ahamiyatini oshirish iqtisodiy islohotlarning eng dolzarb masalasi hisoblanadi.
Jismoniy shaxslar tomonidan to‘lanadigan daromad solig‘i byudjet daromadlarida katta ulush egallamaydi, ammo soliq tizimida munosib ahamiyatga egadir. Jismoniy shaxslar tomonidan to‘lanadigan daromad solig‘ini nazariy jihatdan tadqiq etish, birinchidan, ushbu soliqni soliq-byudjet tizimidagi rolini oshirishga xizmat qilsa, ikkinchidan, aholining soliqlar xususidagi fikrlarini ijobiy tarzda bo‘lishini ta’minlaydi.
Shundan kelib chiqib aytish mumkinki, jismoniy shaxslardan undiriladigan daromad solig‘i tizimini nazariy jihatdan tahlil etish lozim topildi. Jismoniy shaxslardan olinadigan daromad solig‘i, kurs ishi ob’ekti hisoblanadi. Jismoniy shaxslardan olinadigan daromad solig‘ini hisoblash va byudjetga to‘lash jarayonida vujudga keladigan iqtisodiy munosabatlar kurs ishi predmetini tashkil etadi.
Jismoniy shaxslardan olinadigan daromad solig‘ining byudjet daromadlarini shakllantirishdagi ahamiyatini tahlil etish hamda ularni undirish bo‘yicha taklif va tavsiyalar berish hisoblanadi. Ushbu maqsadga erishishda quyidagilarni amalga oshirish vazifa sifatida belgilab olindi:
- jismoniy shaxslardan olinadigan daromad solig‘ining iqtisodiy mohiyati;
- jismoniy shaxslardan olinadigan daromad solig‘ining byudjet daromadlarini shakllantirishdagi ahamiyati;
- jismoniy shaxslardan olinadigan daromad solig‘ining elementlariga tavsif berish;
- jismoniy shaxslardan olinadigan daromad solig‘i bo‘yicha soliq imtiyozlari.

1.