Soliqlar va soliqqa tortish” kafedrasi “Jismoniy shaxslarni soliqqa tortish” fani mavzu: mavzu: jismoniy shаxslаr dаromаd soligʼini hisoblаsh vа budjetgа toʼlаsh

Soliq agentlarida soliq solinadigan daromadlar
Soliq agentida soliq solinadigan daromadlarga quyidagilar kiradi:
1) Jismoniy shaxslarning mehnatga haq toʼlash tarzidagi daromadlari;
2) Moddiy naf tarzidagi daromadlar;
3) Mulkiy daromadlar;
4) Boshqa daromadlar.
Oʼzi bilan mehnatga oid munosabatlarda boʼlmagan Oʼzbekiston Respublikasining rezidenti boʼlgan jismoniy shaxsga moddiy naf tarzida daromad toʼlovchi soliq agenti jismoniy shaxsning yozma arizasi asosida soliqni ushlab qolmaslikka haqli.
Soliq agentlari tomonidan soliqni hisoblab chiqarish va ushlab qolish tartibi
Soliq agentlari soliq hisobining registrlarida jismoniy shaxslarning ulardan soliq davrida olgan daromadlari, jismoniy shaxslarga toʼlov manbaida qoʼllanilgan soliq imtiyozlari, hisoblab chiqarilgan va ushlab qolingan soliqlar hisobini yuritadi.
Soliq hisobi registrlarining shakllari, ularda soliq hisobining tahliliy maʼlumotlarini hamda birlamchi hisobga olish hujjatlari maʼlumotlarini aks ettirish tartibi soliq agenti tomonidan mustaqil ravishda ishlab chiqiladi.
Oʼzbekiston Respublikasi norezidentlari boʼlgan jismoniy shaxslar uchun Oʼzbekiston Respublikasidagi manbalardan olingan daromadlarga soliq solish soliq agentlari tomonidan soliq bazasi hamda belgilangan stavkadan kelib chiqqan holda amalga oshiriladi.
Soliqning hisoblangan summasini soliq toʼlovchidan ushlab qolish, soliq agenti soliq toʼlovchiga toʼlayotgan har qanday pul mablagʼlari hisobidan, bu pul mablagʼlari soliq toʼlovchiga yoki uning topshirigʼiga binoan uchinchi shaxslarga toʼlanayotganda amalga oshiriladi.
Soliqni hisoblab chiqarish va ushlab qolish ushbu boʼlimda belgilangan soliq bazasi hamda soliq stavkalaridan kelib chiqqan holda, daromad hisoblanishiga qarab, yil boshidan eʼtiboran har oyda ortib boruvchi yakun bilan soliq toʼlovchining ish joyi boʼyicha soliq agenti tomonidan amalga oshiriladi.
Аsosiy boʼlmagan ish joyidan yoki boshqa soliq agentlaridan sovgʼa, moddiy yordam va boshqa turlardagi yordam olgan jismoniy shaxslarning soliq summasini qayta hisob-kitob qilish jismoniy shaxs yillik jami daromadi toʼgʼrisida deklaratsiya topshirganda soliq organlari tomonidan amalga oshiriladi.
Jismoniy shaxslarning asosiy boʼlmagan ish joyidan olgan daromadlaridan soliqning yakuniy summasi jami yillik daromad toʼgʼrisida taqdim etilgan deklaratsiyaning maʼlumotlari boʼyicha soliq organi tomonidan hisoblab chiqariladi.