Soliqlar va soliqqa tortish” kafedrasi “Jismoniy shaxslarni soliqqa tortish” fani mavzu: mavzu: jismoniy shаxslаr dаromаd soligʼini hisoblаsh vа budjetgа toʼlаsh

Soliq hisobotini taqdim etish tartibi va muddatlari

Soliq agentlari oʼzlarining soliq boʼyicha hisobda turgan joydagi soliq organiga quyidagilarni taqdim etishi shart:

1) soliq davri tugaganidan keyin oʼttiz kun ichida — soliq organlariga toʼlov manbaidan soliq solinmagan moddiy naf tarzida daromadlar olgan jismoniy shaxslar toʼgʼrisida Oʼzbekiston Respublikasi Davlat soliq qoʼmitasi tomonidan Oʼzbekiston Respublikasi Moliya vazirligi bilan kelishilgan holda tasdiqlanadigan shakldagi maʼlumotnomani;
2) har oyda, hisobot davridan keyingi oyning oʼn beshinchi kunidan kechiktirmay, yil yakunlari boʼyicha esa — yillik moliyaviy hisobotni taqdim etish muddatida hisoblangan va haqiqatda toʼlangan daromadlar summalari hamda ushlab qolingan soliqning summalari toʼgʼrisidagi — Oʼzbekiston Respublikasi Davlat soliq qoʼmitasi tomonidan Oʼzbekiston Respublikasi Moliya vazirligi bilan kelishilgan holda tasdiqlanadigan shakldagi maʼlumotlarni. Oʼzbekiston Respublikasida faoliyatni doimiy muassasa orqali amalga oshirayotgan Oʼzbekiston Respublikasining norezidenti boʼlgan yuridik shaxslar yil yakunlari boʼyicha hisoblangan va amalda toʼlangan daromadlarning summalari hamda ushlab qolingan, soliq summalari toʼgʼrisidagi maʼlumotlarni hisobot yilidan keyingi yilning 25 martiga qadar taqdim etadi.
Oʼzbekiston Respublikasining yuridik shaxslari boʼlgan, xodimlari 25 nafardan ortiq boʼlgan alohida boʼlinmalarga va (yoki) filiallarga ega soliq agentlari, bundan yirik soliq toʼlovchilar mustasno, ushbu alohida boʼlinmalar va (yoki) filiallar xodimlariga nisbatan mazkur moddaning birinchi qismida koʼrsatilgan soliq hisobotini — alohida boʼlinmalar va (yoki) filiallar hisobda turgan joydagi soliq organiga taqdim etadi.
Yakka tartibdagi tadbirkor boʼlgan soliq agentlari, agar soliq Kodeksning 57-bobida boshqacha qoida nazarda tutilmagan boʼlsa, oʼzlarining yollanma xodimlariga oid mazkur moddaning birinchi qismida koʼrsatilgan soliq hisobotini oʼzi soliq boʼyicha hisobda turgan joydagi soliq organiga taqdim etadi.