Soliq nazariyasi” fanidan ma’ruzalar matni

Хo’jalik sub’ektlari faoliyati bo’yicha soliq idoralari nazoratining tashkil etilishi.

Nazorat turlari

Хo’jalik yurituvchi sub’ektlar faoliyatini O’zbekiston Respublikasi Soliq kodeksiga asosan soliq nazorati quyidagi shakllarda amalga oshiriladi:

1. 
   soliq to’lovchilarni hisobga olish;
   
2. 
   soliq solish ob’ektlarini va soliq solish bilan bog’liq ob’ektlarni hisobga olish;
   
3. 
   byudjetga va davlat maqsadli jamg’armalariga tushayotgan tushumlarni hisobga olish;
   
4. 
   kameral nazorat;
   
5. 
   naqd pul tushumlari kelib tushishining xronometraji;
   
6. 
   soliq tekshiruvlari;
   
7. 
   fiskal xotirali nazorat-kassa mashinalarini qo’llash;
   
8. 
   aksiz to’lanadigan ayrim turdagi tovarlarni markalash, shuningdek ayrim korxonalarda moliya inspektori lavozimini joriy etish;
   
9. 
   davlat daromadiga qaratilgan mol-mulkni realizatsiya qilishdan tushadigan pul mablag’lari davlat daromadiga o’z vaqtida va to’liq tushishini nazorat qilish;
   
10. 
    boshqa majburiy to’lovlarni undirish vazifasini amalga oshiradigan davlat organlari va tashkilotlar ustidan nazorat qilish.
    

Bojxona organlari tovarlarni O’zbekiston Respublikasining bojxona chegarasidan olib o’tilishi munosabati bilan to’lanishi lozim bo’lgan soliqlar va boshqa majburiy to’lovlarni undirish bo’yicha soliq nazoratini o’z vakolatlari doirasida Soliq Kodeksiga va bojxona to’g’risidagi qonun hujjatlariga muvofiq amalga oshiradi.

Soliq nazorati amalga oshirilayotganda Soliq Kodeksi va boshqa qonun hujjatlarining qoidalarini buzgan holda soliq to’lovchi to’g’risida axborot to’plash, saqlash, undan foydalanish va uni tarqatishga, shuningdek soliq sirini oshkor qilishga yo’l qo’yilmaydi.

Qonun hujjatlarining talablarini buzgan holda olingan soliq to’lovchi to’g’risidagi hujjatlar yoki boshqa axborot soliq to’lovchini soliq to’g’risidagi qonun hujjatlarini buzganlik uchun javobgarlikka tortishga asos bo’la olmaydi. (SK. 12 bob. 67-modda)