Soliq nazariyasi” fanidan ma’ruzalar matni

Qisqa muddatli tekshiruvlar rejadan tashqari soliq tekshiruvi tarzida o’tkaziladi. (SK. 86-modda)

5.Soliq xizmati idoralari xodimlariga qo’yiladigan talablar, majburiyatlar va soliq to’lovchilar huquqlarini himoya qilish
Tekshiruvchi mansabdor shaxslarga qo’yiladigan talablar. Хo’jalik yurituvchi sub’ektlar faoliyatini tekshirish nazorat qiluvchi organlarning mansabdor shaxslari tomonidan amalga oshiriladi. Nazorat qiluvchi organlarning mansabdor shaxslari qonun xujjatlarida belgilangan tartibda attestatsiyadan o’tkazilishi lozim.

Nazorat qiluvchi organlar mansabdor shaxslarining xo’jalik yurituvchi sub’ektlar faoliyatini tekshirishga ruxsat belgilangan namunadagi maxsus guvohnoma bilan tasdiqlanadi.

Tekshiruvga auditorlik tashkilotlari va (yoki) ekspertlar jalb etilgani taqdirda, nazorat qiluvchi organning mansabdor shaxsi tomonidan nazorat qiluvchi organ va auditorlik tashkiloti va (yoki) ekspert o’rtasidagi shartnomaning ko’chirma nusxasi albatta taqdim etiladi. Shartnomada auditor va (yoki) ekspertning familiyasi, ismi, otasining ismi, ish joyi va lavozimi ko’rsatilgan bo’lishi kerak. Auditor va (yoki) ekspert xulosasining to’g’riligi va uning qonun hujjatlariga muvofiqligi uchun auditorlik tashkiloti va (yoki) ekspertning javobgarligi tuziladigan shartnomaning zaruriy sharti hisoblanadi. Auditorlik tekshiruvlari va ekspertizalarni o’tkazish xarajatlari nazorat qiluvchi organlar hisobiga amalga oshiriladi.