Социал психологик тренинг гуруҳий психокоррекция сифатида

1. Ватанпарварлик. Ўз Ватанининг мустақиллигини асраб авайлаш, унинг йўлида фидокорона меҳнат қилиш, Ватан посбонлигига тайёр бўлиш, Ватан тарихи ва маданиятини билиш, ўз Ватани билан фахрланиш.
2. Одоб-аҳлоқли бўлиш. Салом-алик одобини билиш, катталарга хурмат муносабатида бўлиш, тенгдошларига самимий муносабатни намоён қилиш.
3. Хушмуомала бўлиш. Кишилар билан мулоқот қилиш одоби, турли вазиятларда ўз хушмуомалалиги билан муаммоларни ҳал қила олиш.
4. Меҳнатсеварлик. Олдига қўйилган мақсадга эришиш йўлда бор кучи ва имкониятини аямаслик, жамоат ишларида фаол иштирок этиш.
5. Инсонийлик. Ота-онани эъзозлаш, катталарга ва аёлларга хурмат кўрсатиш, ёрдамга муҳтожларга ихтиёрий равишда кўмаклашиш, инсонпарварликка қарши бўлган хатти-ҳаракатларга муросасиз бўлиш.
6. Жонкуярлик. Ўз манфаатларини кўзламаган ҳолда бошқаларга ёрдам қўлини чўзиш, барча ишларга сидқидилдан ёндашиши ва кучини аямаслик.
7. Дўстлик. Дўстлик ва ошналикни ажратиш, ўз дўсти учун жонини ҳам аямаслик ва унга ёрдам бериш, дўстлик ришталарини умрининг охиригача узмаслик.
8. Камтарлик. “Камтарга камол” мақолига риоя қилиш, ўз билими, куч имкониятларини кўз-кўз қилмаслик устида ишлаш, ўз билими ва имкониятларини кенгайтириш.
9. Маънавий бойлик. Ўзбек халқининг урф-одатлари маданияти, санъати, ёзуви ва ёдгорликларига ҳурматда бўлиш, уларни асраб-авайлаш уларнинг тарихини билиш ва бойитишга ўз ҳиссасини қўйиш.
10. Интизомлилик. Жамият қонун-қоидаларига риоя қилиш, катталар буюрган ишни тез ва аниқ бажариш, жамоада интизомни юксак даражада бўлиши учун курашиш.
11. Фаоллик. Ташаббускорлик ва ташкилотчилик қобилиятларини намоён қилиш, оптимист, яъни келажаги порлоқ эканлигига ишониш ва унга қараб ўз хатти-ҳаракатлари билан интилиш.
12. Мақсад сари интилиш. Аниқ, катта ишларни бажаришни ўз олдига мақсад қилиб қўйиш, шу мақсадини амалга ошириш учун курашда қатъиятли, ўз идеали ва дунёқарашига содиқ қолиш.