Siyob abu ali ibn sino nomidagi jamoat salomatligi texnikumi

Kichik jinsiy lablar (labia pudendae minor) - uzunasiga ketgan teri burmalarining ikkinchi jufti bo’lib, katta jinsiy lablardan ichkarida, ulaming asosi bo’ylab yotadi. Odatda katta jinsiy lablar kerilgandagina kichik jinsiy lablar ko’rinadi, lekin bular ba’zan baland bo’lib, tashqariga turtib chiqib turadi.Kichik jinsiy lablar oldingi tomonda ikkiga bo’linib, ikki juft oyoqcha hosil qiladi. Oyoqchalarning oldingi jufti o’rta chiziqda, klitor ustida bir-biri bilan qo’shilib, kichkina burma hosil kiladi, bu burma klitorning chekka kertmagi (preputium clitoridis) deb ataladi. Oyoqchalarning ikkinchi jufti klitor ostida birlashib, uning yuganchasi (frenulum clitoridis)ni hosil qiladi. Klitor (clitoris) - kichkina konussimon tuzilma (erkaklar jinsiy a’zosi (penis) ga analog a’zo) bo’lib, ko’shilib ketgan ikkita (gorsimon) tanadan iborat.G’orsimon tanalarda tutash bo’shliqlar bor, tomirlardan keladigan qon shu bo’shliqlarda aylanib yuradi. Klitor jinsiy yoriqning oldingi burchagida, kichik jinsiy lablarning qo’shilib ketgan oyoqchalari orasida kichkina do’mboqchaga o’xshab turtib chiqib turadi.
Klitorning boshchasi, tanasi, g’orsimon tanalarva oyoqchalardan tuzilgan bo’lib, qov va quymich suyaklarining suyak usti pardasiga borib yopishadi. Klitor qon tomirlari va nervlarga boy: terisida nerv oxirlari juda ko’p. Klitor funksiyasi jihatdan jinsiy hissiy a’zosidir. Jinsiy qo’zg’alish paytida arterial qonningtez kelishi va venoz qonning sekinroq oqib ketishi natijasida klitor kattalashadi va zichlashadi (ereksiya).
Qin dahlizi (vestibulum vaginae) - oldingi tomondan klitor, orqa tomondan katta jinsiy lablarning orqadagi bitishmasi, ikki yon tomondan kichik jinsiy lablarning ichki yuzasi bilan chegaralangan. Qin dahlizining yuqoridagi, qin tomondagi chegarasi qizlik pardasi (yoki uning qoldiqlari)dan iborat. Qin dahliziga uretra (siydik chiqarish kanali) ning tashqi teshigi, Bartolin bezlarining chiqarish yo’llari ochiladi. Qin dahlizida shingilga o’xshash mayda bezlar va ko’p qavatli yassi epiteliy bilan qoplangan chuqurchalar (kriptalaryoki lakunalarjko’p.