Sintaksis. So’z birikmasisintaksisi

Teng bog’lanishga xos xususiyatlar Teng bog’lanishga xos xususiyatlar sifatida quyidagilarni ko’rsatish mumkin: 1. Teng bog’lanishda komponentlar teng huquqli bo’ladi, biri ikkinchisiga bo’ysunmay bog’lanadi.
2. Bunda komponenetlar orasida tobe-hokimlik munosabati bo’lmaydi, shuning uchun hokim so’z va tobe so’z atamalari ishlatilmaydi. 3. Komponentlar biri ikkinchisini aniqlab, izohlab kelmaydi, shuning uchun bir so’zdan
2-siga savol berilmaydi. 4. Teng bog’lanishda har bir so’z o’z ma’no mustaqilligini, alohida-alohida narsalarni nomlab kelish xususiyatini saqlab qoladi. 5. Teng bog’lanishda tartib, odatda, ahamiyatga ega emas. M: Karim va Salim – Salim va Karimkitob va daftar – daftar va kitob Ammo mantiqiy ketma-ketlik bor joyda tartib ahamiyatga ega bo’ladi. M: kasal bo’lmoq, davolanmoq va tuzalmoq Yoki: kunlar, haftalar, oylar, yillar (o’tdi) 6. Teng bog’lanishda komponentlar ko’pincha bir xil so’z turkumiga mansub bo’ladi. Ba’zan teng bog’lanishning komponentlari har xil so’z turkumiga mansub bo’lishi mumkin. M: men va Ahmad Yoki: tez-tez, hayajon bilan, bo’gilib gapirmoq 7. Teng bog’lanishda komponentlar deyarli hamma vaqt bir xil so’roqqa javob bo’ladi (kam hollarda har xil so’roqlarga javob bo’lishi mumkin. M: inson va tabiat) 8. Teng bog’lanishda komponentlar hamma vaqt bir xil gap bo’lagi vazifasida keladi, hamma vaqt bir gap bo’lagiga bog’lanib keladi. M: Soyning suvi o’ynoqlab, ko’piklab oqmoqda.