Sintaksis. So’z birikmasisintaksisi

Sintaktik aloqa va uning turlari 1. Sintaktik aloqa deganda so’zlarning o’zaro bog’lanishi nazarda tutiladi. 2. Sintaktik aloqa, Grammatik bog’lanish deb ham yuritiladi. 3. Gapda so’zlarning o’zaro bog’lanishi faqat Grammatik bog’lanish bilan cheklanib qolmaydi, bog’lanayotgan so’zlar mazmuniy tomondan ham o’zaro muvofiq bo’lishi kerak. M: gullamoq fe’li o’z ma’nosida (ya’ni gul chiqarmoq ma’nosi bilan) kelganda o’rik, olma kabi so’zlar bilan bog’lanadi; gullamoq so’zi ko’chma ma’noda, ya’ni yashnamoq, rivojlanmoq ma’nosida kelganda esa qishloq, litsey kabi so’zlar bilan bog’lanadi. Ammo bu fe’l tosh, loy, suv kabi so’zlar bilan bog’lanmaydi. 4. Sintaktik aloqa ikki xil bo’ladi, ya’ni so’zlarning bog’lanishi 2 yo’l bilan amalga oshadi: a) teng aloqa (teng bog’lanish) M: Kalila va Dimna, Oygul bilan Baxtiyor b) tobe aloqa (tobe bog’lanish) M: kitobning varag’i, kitobni o’qimoq