sinf o’qish IV chorak Mavzu: Tansihatlik tuman

Jihozi: Mavzuga oid ko’rgazma,tarqatmalar, test savollari.
Darsning borishi.
I.Tashkiliy qism. a) Salomlashish b) davomotni aniqlash
d) ma’naviyat daqiqasini o’tkazish “Bahor gullari” ,mavzusida suhbat o’tkazish.
II. O’tgan mavzuni mustahkamlash. O’tgan darsdagi vazifa aniqlanib, vazifa tekshiriladi.
1. Tulki nima uchun qarg‘ani rosa maqtadi?
2. Qarg‘a nima uchun o‘ljasini yo‘qotdi?
3. Shoir bu masaldagi tulki va qarg‘ani qanday odamlarga o‘xshatadi?
III.Yangi mavzu bayoni Hakka bilan tulki
Ertakni o’qituvchi o’qib o’quvchilarni diqqatini o’ziga jalb etadi.
Kunlarning birida Tulki ovqat izlab o’rmon bo’ylab daydib yurib, birdan Hakkani ko’rib qolibdi. Ayyorlik qilib o’zini o’likka solishga qaror qilibdi. Hakka daraxtning shoxidan uchib kelib Tulkining ustiga qo’nibdi. Tulkining chindan ham o’lganligini tekshirib ko’rish uchun asta cho’qib ko’ribdi.
Tulki qimir etmay yotardi. Hakka tulkining boshiga qo‘nib, qulog‘ini cho‘qigach, o‘lganiga ishonch hosil qilish uchun tumshug‘ini ham cho‘qib ko‘rishni istabdi. Hakka Tulkining tumshug‘iga yaqinlashay deganda ayyor Tulki qushning oyog‘idan tutib olibdi. Hakka Tulkiga yolvorib, yig‘lay boshlabdi. – Nega endi buncha yig‘laysan, mening Hakkajonim?! – debdi Tulki. – Bolalik chog‘imda ota-onam mendan qattiq jahllari chiqqanda, seni Tulki tutib olsin, deb qarg‘ashar edi. Shunchaki tutib olmasdan, balki seni baland tog‘dan shunday tashlab yuborsinki, har bir tosh sening yonboshlaringni majruh qilib, Tulkiga xuddi urib ezilgan go‘shtday nasib etsin, deyishgandi. Ko‘ryapsanmi, o‘sha qarg‘ish amalga oshyapti, – javob beribdi ho‘ngragancha Hakka. Hakkaning ota-onasi istagi Tulkiga ma’qul kelib, ularning xohishini amalga oshirishga qaror qilibdi. Keyin Tulki baland qoyaga ko‘tarilib, u yerdan Hakkani tashlab yuboribdi. Hakka zo‘r quvonch bilan qanotlarini yoyib, uchib ketibdi. Tulki esa og‘zini ochgancha qolaveribdi.
Ertak davomini o’quvchilar mustaqil o’qiydilar. Mazmunini so’zlab beradilar. O’quvchilarni qiziqtirgan savollarga javob berish.