Sinf, maktab sharoitidan chiqib ketishni talab qiladi

II. Asosiy qism

II.1. Ekskursiya bosqichlari

Ekskursiya uyushtirishda bir nechta bosqichlardan foydalanamiz. Bular:

1. Tayyorgarlik bosqichi

2. Ekskursiya uyushtirish

3. Ekskursiyani yakunlash, ya’ni yig‘ilgan materiallarni qayta ishlashdan iborat.
Ekskursiyaning tayyorgarlik bosqichi

Ekskursiya dabdurustdan, kutilmaganda amalga oshirilmaydi. Uni avvaldan dars dasturiga amal qilgan holda amalga oshiriladi.

Ekskursiya tashkil qilishning o‘ziga xos tomonlari bor:

• 
  Birinchidan, ekskursiyaning muhimligi e’tiborga olinadi.
  
• 
  Ikkinchidan, ekskursiyaning o‘quvchilar saviyasiga mosligiga qarash kerak. Masalan, 6-sinf o‘quvchilarini ishlab chiqarish ob’ektlariga emas, tabiat qo‘yniga yoki muzeylarga olib borish mumkin, ko‘rgazmali namoyish tajribalar markazi kabi joylar kichik sinf o‘quvchilari bilan bir qatorda yuqori sinf o‘quvchilariga ham mos keladi. Bitiruvchi sinf o‘quvchilarini tadqiqot institutlariga ham olib borish mumkin.
  
• 
  Uchinchidan, ekskursiyani iloji boricha qiziqarli qilish kerak.
  

Ekskursiyaga chiqishdan oldin o‘qituvchi hamda o‘quvchilarning birgalikdagi tayyorgarligi asosiy o‘rinni egallaydi. Tayyorgarlik jarayonida ekskursiyada qanday masalalarni o‘rganish zarurligiga e’tibor qaratiladi, o‘quvchilarni 4-5 ta guruhga bo‘lib, ularga turli nomlar bergan holda ekskursiya uyushtirish ham yaxshi natija beradi.