Ўсиб келаётган ёш авлод жисмоний тарбияси ва спортда инновацион технологиялар

Назаркулов С., Султонов Р., Ҳ Эргошев Б., ўқитувчилар 
Гулистон давлат университети, Гулистон, Ўзбекистон 
 
Жисмоний тарбия дарсларида ўсиб келаётган ёш авлод тарбиясида узлуксиз таълим 
тизимида педагогнинг бевосита жисмоний тарбия ўқитувчиси касбига боғлиқ бўлган билим ва 
илмий дунёқараш хусусиятларининг изчиллиги, тизимли ва узлуксизлиги муҳим аҳамият касб 
этади. Бунда, албатта, мутахассисларнинг илмий-ижодий фаоллик даражаси уйғун бўлишлиги 
зарурияти ҳамда улар изчил бир–бирини тўлдириб, ривожланиб бориш қонунига эга эканлиги 
муҳим аҳамият касб этади. Узлуксиз таълим тизимида таълим-тарбия берувчи шахс фақат 
«субъект» вазифасини бажарадиган бўлса, сифат мувозанати таъмин этилмаслиги илмий 
исботини топган албатта. Ўқитувчи - билим олувчи муносабатида «субъект–субъект» 
мувозанати вужудга келиши учун ўқитувчи айни пайтда «объект» вазифасини ҳам бажариши 
лозим. 
Баркамол шахсни шакллантириш жараёнида бундай мураккаб педагогик муаммонинг ечими 
сифатида болани боғча ёшидан илмий тадқиқотчилик фаолиятининг элементларини 
шаллантириш келажакда ёшларда бунёдкор ғояларни шакллланишига замин яратилади. 
Жумладан, боғча ёшидаги болалар билан “Менинг оилам”, “Мен севган тарбиячи”, “Она 
диёрим”, “Табиатни асрайлик”, “Эртаклар яхшиликка етаклар” каби мавзуларда улар 
иштирокида турли шаклларда тадбирлар уюштиришда болаларнинг шахсий фаоллигини 
ошириш, уларни ижодий фаолиятга йўналтириш, тадбирлар мазмуни болаларни тадқиқотчилик 
фаолияти элементларини шакллантиришга қаратилганлиги муҳим аҳамиятга эга. 
Мактаб ёшидаги болаларга фанларни ўқитилишида илмийлик принципи билан биргаликда 
дарсларни муаммоли ташкил этилиши мактаб ўқувчиларида мустақил фикрлаш, мустақил 
муаммонинг ечимини топишга интилиши орқали тадқиқотчилик фаолияти йўналтиришга олиб 
келади.  
Юқорида қайд этилганидек ҳар жиҳатдан етук мутахассисларни тайёрлаш давлат 
сиёсатининг устивор йўналишларидан бири ҳисобланиб, узлуксиз таълим тизимида таълим 
жараённи самарали амалга оширишнинг устувор йўналишидир. 

---