Щзбекистон республикаси

4.13-расм. 737 моделли кўндаланг-рандалаш дастгоҳининг умумий кўриниши:
а-таянч стойка; б-сурилишлар йўналишини ўзгартириш, стол ҳамда поперечинани тез суриш дастаси; в- сурилишлар қийматини ўзгартириш маховичоги; Т1 ва Т2 -г-ползун йўлининг узунлигини чеклаш тиргаклари; д- ползуннинг сурилиш тезлигини ўзгартириш дастаси; е-кесиш ҳаракати юритмасининг гидравлик панели; ж-сурилишлар юритмаси ва столни тез силжитиш механизми; з- сурилишлар юритмасининг гидравлик цилиндри; к- кнопкалар станцияси.

Қия юзаларни рандалаш учун суппорт горизонтал ўққа нисбатан тегишли бурчакка қиялатилиши мумкин. Станинанинг вертикал йўналтирувчилари бўйлаб поперечина 7 юқорига ва пастга сурила олади. Поперечинанинг горизонтал йўналтирувчилари бўйлаб заготовка маҳкамланган стол 8 сурилади. Бу типдаги дастгоҳларда асосий ҳаракатни ползун билан биргаликда кескич, суриш ҳаракатини эса дастгоҳ столига маҳкамланган заготовка бажаради. Дастгоҳ станинаси ичига асосий ҳаракат механизми ва суриш ҳаракати механизми жойлаштирилган, бу механизмлар гидравлик система ёрдамида ишлайди. Столни тез суриш механизми ҳам ўша ерда жойлашган.

3. Текис юзаларга сидириб ишлов бериш усули, кесувчи асбоблари ва дастгоҳлари

Сидириш усули юқори унумли бўлибгина қолмасдан, у юқори тозаликдаги ва аниқлигдаги юзалар ҳосил қилишга ҳам имконият туғдиради. Сидириш усули юзаларни Ra 0,63-0,32 мкм тўғри келадиган тозалик ва IT 5, IT 6 тўғри келадиган аниқлик билан ишлашга имкон беради.

4.14-расм. Ташқи юзаларни сидириш схемаси.

С идиришда ишлатиладиган кесувчи асбоб сидиргич деб аталади. Сидиргич (протяжка) кўп тиғли кесувчи асбоб бўлиб, унда ҳар бир навбатдаги тиш ўзидан олдинги тишдан кесиб олинадиган қатлам қалинлигича (суриш S_z, қийматича) баланд туради (4.14-расм). Сидиргич ўзининг ташқи кўриниши жиҳатидан рейкага ўхшайди. Сиртқи юзалар олдиндан тайёргарликсиз сидирилади.

Сидиришда кесиш схемаси. Сидиришда кесиш схемаси деганда сидиргич тишларининг қўйимни бирин-кетин кесиб олиши ва бунинг натижасида заготовка профилини ўзгартириши тушунилади. Сидиргичларнинг конструкцияси заготовканинг ишлов берилиши керак бўлган юзасининг ҳолатига, заготовканинг ишлов бериладиган юзаси шаклига ва унинг аниқлиги ҳамда ўлчамларига қараб танлаб олинади.