Щзбекистон республикаси

1 . Текис юзаларга фрезалаб ишлов бериш усули, кесувчи асбоблари ва дастгоҳлари

Фрезалаш – фреза деб аталадиган кўп тиғли кесувчи асбоб ёрдамида заготовкани кесиб ишлаш жараёни.
Фрезалашда фреза айланади (асосий ҳаракат), дастгоҳнинг столига ўрнатилган заготовка эса фрезага томон илгариланма ҳаракат – сурилиш ҳаракати қилади.
Фрезалашда кесувчи асбоб сифатида турли хил фрезалардан фойдаланилади. Фрезалар қуйидаги ишларни: текисликлар фрезалаш, ариқча ва пазлар, шаклдор юзалар фрезалаш, резpбалар фрезалаш, тишли ғилдиракларнинг заготовкаларига тишлар фрезалаш ва бошқа ишларни бажаришга имкон беради.
Фрезалаш қуйидаги турларга бўлинади:
1) Цилиндрик ёки ўқ фрезалар. Бундай фрезаларнинг тишлари цилиндрнинг сиртқи юзасида жойлашган. Улар тўғри ва винтсимон тишли бўлади ва текисликлар фрезалаш учун ишлатилади (4.1-расм).





4.1-расм.Цилиндрик фрезалар:
а-тўғри тишли; б-винтсимон тишли.

2) Диск фрезалар. Бу фрезалар пазлар фрезалаш учун ишлатилади. Диск фрезаларнинг кесувчи тишлари тўғри ва илон изли бўлиши мумкин (4.2-расм).

4.2.-расм.Кўйма фрезалар:
а-уч томонли диск фреза; б-илон изли диск фреза; в-диск фреза.

3) Кесиб иккига ажратиш фрезалари ёки диск арралар (4.3-расм). Бундай фрезалар заготовкани кесиб иккига ажратиш ва пазлар (шлицалар) очиш учун ишлатилади. Бу фрезаларда, кўпинча, тишлари фрезанинг ўқига параллел тарзда жойлашган бўлади.

4). Бурчак фрезалари. Бу фрезалар заготовкаларда бурчакли пазлар фрезалаш ва тишлар орасида ботиқликлар ҳосил қилиш учун ишлатилади (4.4-расм). Бундай фрезаларда кесувчи қирралар ҳар хил бурчаклар остида жойлашган бўлади.




4.3.-расм. Диск арра.