Шөлкемлестириў илажлары

§ 4. Муфтаға қуйылатуғын араласпа менен ислеў
288. Муфтаға қуйылатуғын араласпа қақпақлы ҳəм мурны бар арнаўлы металл ыдыста еритилиўи 
зəрүр.
Қақпағы ашылмаған банкадағы араласпаны еритиў қадаған етиледи.
289. Муфтаға қуйылатуғын қайнамалы араласпа менен ислегенде брезент қолғап ҳəм қорғаў көз 
əйнеклеринен пайдаланыў зəрүр. 
Кийимниң жеңи қолғап сыртына шығарылып жең ишинен байланған болыўы ямаса 
шығанаққа шекем кийилетуғын қолғаптан пайдаланыў керек.
Қайнамалы араласпа ҳəм ериген қатыспа ыдысын қолдан қолға бериў қадаған етиледи.
Оны қолдан қолға узатқанда жерге ямаса беккем тийкарға қойып узатыў зəрүр.
290. Муфтаға қуйыў ушын еритилген араласпаны ямаса қатыспаны алдыннан қыздырылған 
металл таяқ ямаса қасық жəрдеминде араластырылыўы зəрүр. Қызған араласпа ҳəм қа-тыспа 
ишине суў тамшысының түсиўине жол қойылмайды.
291. Жылдың суўық ўақытларында қыздырылған араласпаны муфтаға қуйыўдан алдын оны 
ысытыў зəрүр.
§ 5. Кабеллерди жатқызыў, кабель ҳәм муфталарды басқа жерге 
көшириў.
292. Кабель барабаны менен домалатылғанда ислеўшиниң кийимлерин барабан бөлеклери илип 
кетпеслигине жол қоймаслық илажларын көриў зəрүр.
Кабель барабаны менен тек кесе тегислик бойынша қатты жерде ямаса тормоз əнжамы 
болған жағдайда беккем төселген полда домалатыўға рухсат етиледи.
Кабель, бос барабан, механизм ҳəм басқа əсбап үскенелер шуқырдың омырылыў приз-масы 
сыртында ҳəм траншея шетинен 1 метрден узақ жерге жайластырылыўы керек.
293. Егер кабель қол менен жатқызылатуғын болса улыўма исшилер саны ҳəр бир ер адам ушын 
кабель бөлегиниң аўырлығы 35 кг, ҳəйел-қызлар ушын 15 кг есапбынан анықла-ныўы керек.
Жумыс брезент қолғапта орынланыўы зəрүр.
294. Кабелди жатқызыў ўақтында ислеўшилердиң айланыў мүйешлери ишинде турыўы ҳəм 
мүйешлерде кабелди қолда услап турып узатыў қадаған етиледи. Бундай мақсетлер ушын 
мүйеш роликлери орнатылыўы керек.
295. Кабелди электр тоги менен ысытыў ушын кернеўи 380 Вольттан жоқары болған 
транс-форматорлардан пайдаланыў қадаған етиледи.

---

39
296. Кабель ҳəм муфталарды басқа жерге көшириўде кабель линиясы өширилгеннен соң 
орынланыўы керек.
Кернеў астында болған кабеллерди басқа жерге көшириў, төмендеги тəртипте 
орын-ланғаннан кейин рухсат етилиўи мүмкин:
көширилиўи керек болған кабелдиң температурамы 5
0
С дан кем болмаслығы;
көширилиўи керек болған кабел бөлегиндеги муфта ағаш тахтаға хомутлар менен қатты 
беккемленген болыўы;
жумыс ўақтында диэлектрик қолғап кийип үстинен механикалық бузықлықтан қорғаў ушын 
үстинен брезент қолғап кийип ислеўи;
жумыслар кабель жатқызыў тəжирийбесине ийе болған исшилер тəрепинен V-топарға ийе 
болған ислеўши қадағалаўында орынланыўы шəрт.