Shohjahon normurodov

MODAL SO‘ZLAR
Ifodalanayotgan fikrga so‘zlovchining munosabatini (ishonch, gumon, achinish kabi) bildirgan so‘zlarga modal so‘zlar deyiladi.
Modal so‘zlar gap tarkibida boshqa so‘zlardan vergul bilan ajratiladi Modal so‘zlar boshqa so‘z bilan Grammatik aloqaga kirishmaydi, ya’ni gap bo‘lagi vazifasini bajarmaydi.
Modal so‘zlar ishonch, gumon, quvonch, afsuslanish fikrning tartibi, xulosasi kabi ma’nolarni bildiradi.
Modal so‘zlarning ma’nolari Modal so‘zlar
1)Ishonch Albatta, shaksiz, shubhasiz, so‘zsiz, albatta,tabiiy,
o‘z- o‘zidan, to‘g‘ri, xoynaxoy, aslida, darvoqe, rostdan.
2)Gumon Ehtimol, chamasi, shekilli,chog‘i,balki,aftidan.
3)Tasdiq Darhaqiqat, haqiqatan,haqiqatda.
4)Fikrni xulosalash Xullas, demak, umuman,xullas kalom, nihoyat.
5)Fikrning tartibi Avvalo, avvalambor, qolaversa
6)Fikrning dalillanishi Masalan, jumladan
7)Achinish Attang, afsus, esiz.
8)Quvonch Xayriyat.
TOPSHIRIQ-6.Modal so‘zlarni topib, ularning qanday ma’no anglatayotganini tushuntiring.
1. Xullas, ana shu ajriqzordan sal o‘tgandan keyin qishloqcha boshlanadi. (Sh. Xolmirzayev)
2. Abduqodirning ham tomog‘iga bir narsa kelib tiqildi, shekilli, gapirolmadi. (O‘. Umarbekov)
3. Karimberdi otasiga bir qaradi-yu, nimadandir xijolat bo‘ldi, shekilli, darrov ko‘zini olib qochdi.
(X. To‘xtaboyev) 4. Lekin Me’morning, avvalo, raiyat, qolaversa, saltanat oldidagi mavqeyi, Xuroson-u Movarounnahrdagi shuhrati unga qarshi keskin chora ko‘rishga yo‘l qo‘ymas edi. (Mirmuhsin) 5. Shuning
uchun uyga kirayotganda, albatta, yuz-qo‘lini tozalab, kiyimlarini qoqib kirdi. (O‘. Umarbekov)
SOF VA VAZIFADOSH MODAL SO‘ZLAR
Modal so‘zlar ham sof modal so‘zlar va vazifadosh modal so‘zlarga bo‘linadi.
Faqat modal ma’no uchun xoslangan so‘zlar sof modal so‘zlar sanaladi: haqiqatan, darhaqiqat, afsuski,