Shohjahon normurodov

Narsalarning holatiga taqlidni bildiruvchi so‘zlar holatga taqlid so‘zlar hisoblanadi. Masalan, lip-lip (chiroq holati), jimir-jimir (suv holati).
TOPSHIRIQ-4. Avval holatga taqlid so‘zlar, so‘ng tovushga taqlid so‘zlar aniqlang!!!
1. Shoikrom onasining barmoqlari tars-tars yorilib ketganini endi payqadi. (O‘. Hoshimov) 2. Birovning oldiga borib «vovvov» qilib hursa, podshoh gunohkorni yetmish ikki darra urdirar ekan. (N. Aminov) 3. Albatta, yo‘l yaxshi bo‘lib, jadalroq yurishsa, sovuq uncha bilinmas, quloq-burunlarni «jaz-jaz»
chaqmas edi, lekin iz tushmagan yo‘ldan yurish mushkul. (O.Yoqubov) 4. To‘rtta savag‘ich bilan tap-tap urib, par singari qilib titibdi. (Oydin)
Asos qismning aynan takrorlanishidan yoki ayrim tovush o‘zgarishi bilan takrorlanishidan hosil bo‘lgan taqlid so‘zlar takroriy taqlid so‘zlar sanaladi. Masalan: gumbur-gumbur, gurs-gurs, chars-churs, taq-tuq, yarq-yurq.
Takroriy taqlid so‘zlar qismlari chiziqcha bilan ajratib yoziladi.
ESLATMA: Taqlid so‘zlar otlashish xususiyatiga ega gapda ot bajargan sintaktik vazifani bajaradi.
M: Ustaning taqir-tuquri tinmaydi.
TOPSHIRIQ-5.Taqlid so‘zlarni toping va ma’nosini izohlang.
1. Yetti qaroqchi yulduzi tik kelganda g‘o‘ng‘ir-g‘o‘ng‘ir ovozdan uyg‘onib ketdim. (G‘afur G‘ulom) 2. Jigarim otashga tegardi jiz-jiz. Sochlarim oqargan shunda, ehtimol. (S. Zunnunova) 3. Shunday bo‘lsa ham, vujudini tutgan qalt-qalt titroqni bosib hazilomuz qichqirdi. (O. Yoqubov) 4. Allakim ship-ship qadam bosib, ayvon labiga kelayotganday bo‘lardi. (O‘. Hoshimov) 5. Osmonda yombi oltinday yaraqlagan to‘lin oy ...xiralashib borar, milt-milt qilgan yakkam-dukkam yulduzlargina uyg‘oq edi. (Muhammad Ali) 6. Qamchin bilan taqa-tuq, Darvozani qoqdi chol. (A. Oripov) 7. Ali Qushchi hovliga chiqishi bilan o‘ng qo‘ldagi binodan kimdir lip etib chiqib, yo‘lini to‘sdi. (O. Yoqubov) 8. Tun sukutini ot tuyoqlarining dupuri buzdi.
(O. Yoqubov) 9. Men-ku ishonaman, sahrolar gullab, Sizning qiy-chuv bilan to‘lgay dalalar. (A. Oripov)