Shohjahon normurodov

4) Faoliyat-jarayon otlari – shaxs va narsalarning faoliyat jarayonini nomlovchi otlarga faoliyat-jarayon otlari deyiladi.M: Chorvachilik, chopiq, loygarchilik, terim, ko‘rik.
ESLAB QOLING. Faoliyat-jarayon otlari -lik,-chilik, -garchilik, -(i)m, -(i)k (-q) qo‘shimchalari yordamida yasaladi: ezmalik, g‘allachilik, serobgarchilik, terim, unum va hokazo.
TOPSHIRIQ-1. Faoliyat-jarayon nomini bildiruvchi otlarning tagiga chizing.
1. O‘rindiqning bir chekkasida o‘tirgan ayol unga mehribonlik bilan tikilib turardi. (Yo‘ldosh Sulaymon) 2. Dadam kunduzi g‘o‘zani chopiq qilib juda charchagan ekan, sira uyg‘onmadi.
(Murod Xidir) 3. Ta’tilda o‘qituvchi opamiz sayohatga olib boradigan bo‘ldi. (Hakim Nazir) 4. Shofyorlik kursini bitirib, konda ishlay boshladim. (N. Normatov) 5. Yoshlikdagi gunohlari
uchun yangamdan kechirim so‘ramoqchilar. (O. Yoqubov) 6. Otaqo‘zi bo‘lajak kuyovining bachkana qiliqlariga ichida bir g‘ijinib qo‘ydi. (O. Yoqubov)
7.Bilim kishining ko‘nglini yoritadi, unga ro‘shnolik beradi. (Yusuf Xos Hojib) 8. Yoshlik qaytib kelmaydi. (Asqad Muxtor) 9. Bu dunyoda uning qo‘lidan kelmaydigan ish yo‘q: duradgorlig-u suvoqchilik, chilangarlig-u ustachilik —hammasini eplaydi. (X. Sultonov). 10. Ancha ovoragarchilik bilan bir mashina paxta olib qaytdik. (P. Qodirov). 11. Huriniso ipakchilik zvenosining boshlig‘i bo‘lgan ekan. (Abdulla Qahhor). 12. Shomurod asli yilqichining bolasi, dehqonchilikni xushlamaydi. (Murod Muhammad Do‘st) 13. Yolqin akam traktor terimidan bo‘shagandan keyin hovlining kamchiliklarini tuzatadi. (P. Qodirov)
ANIQ VA MAVHUM OTLAR
Sezgi a’zolarimiz orqali bilishimiz mumkin bo‘lgan narsalarni bildirgan otlarga aniq otlar
deyiladi: kitob, mashina, uy, eshik, dutor va hokazo.
Sezgi a’zolarimiz orqali bilishimiz mumkin bo‘lmagan, tafakkur va tasavvur orqali idrok qilinadigan narsalarni bildirgan otlarga mavhum otlar deyiladi: xayol, aql, o‘y, go‘zallik va hokazo.
Aniq otlar birlik va ko‘plik shaklida qo‘llana oladi: Kitoblar, uylar, uchta moshina, ammo mavhum otlar ko‘plik shaklida qo‘llanganda, asosan, ko‘plik ma’nosi emas, balki ta’kidlash, kuchaytirish ma’nolari ifodalanadi.M: xayollar, aqllar bu yerda ko‘plik emas kushaytirish manosi bor.