Shohjahon normurodov

Mavhum otlar -lik, -ch, -inch qo‘shimchalari yordamida yasaladi.M: Shodlik, quvonch, sevinch, ovunch, tinchlik, xurramlik, ahillik, ahmoqlik, yupanch, yaxshilik, qorqinch, yomonlik, o‘kinch.
TOPSHIRIQ-1 Aniq va mavhum otlarni ajrating.
1. Shu sevinch ikkovlariga ham kuch-g‘ayrat, ham dadillik baxsh etgandek bo‘ldi. (X. To‘xtaboyev) 2. Qirlarning g‘ir-g‘ir shamoli, o‘pkalarga moydek tuyulgan totli havosi hammamizning ruhiyatimizni ko‘tarib yubordi. (Oybek) 3. Osmon hadsiz, ufqlar, qirlar jimirlaydi zarrin yog‘duda. Osmon kabi tiniq
tuyg‘ular mavj uradi bu yosh ko‘nglimda. (Z. Nazarova) 4. Hasad — yurakning zanglashi, qaysarlik mag‘lubiyat sababchisidir. 5. Oyog‘ingiz yugursa, maqsadingizga yetkazadi, tilingiz yugursa boshingizga falokat keltiradi. 6. Yalqovlik muhtojlik eshigidir. 4. Narsa deb odamlar e’tiboridan qolish yomon. 5. Hayo qalbning haqiqiy ko‘zgusidir. («Sharq hikmatlari»dan)
OTLARNING LUG‘AVIY SHAKLLARI. SON SHAKLLARI
1.Ko‘plik: -lar kitoblar
2.Kichraytirish-erkalash, hurmatlash: -cha, -gina, -loq(aloq), -choq, -chak, -xon, -jon, -kay kitobcha, bolagina, qizaloq, bo‘taloq, toychoq, kelinchak, otaxon, bolajon, bolakay
3.Qarashlilik: -niki, meniki
4.O‘rin-joyga xoslik: -dagi uydagi
Otlarning -lar qo‘shimchasini olgan shakli ko‘plik shakli, -lar qo‘shimchasisiz shakli esa birlik shakli sanaladi. Otlarning ko‘plik shakli ko‘plik ma’nosidan tashqari hurmat, umumlashtirish, kuchaytirish (ko‘zim — ko‘zlarim, labi —lablari) ma’nolarini ham ifodalashi mumkin.
Otlarning -cha, -choq, -chak kabi qo‘shimchalarni olgan shakli kichraytirish shakli; -gina
(-kina, -qina) -jon, -xon, -oy kabi qo‘shimchalarni olgan shakli esa erkalash shakli hisoblanadi.


17-DARS SIFAT SO‘Z TURKUMI
Otga bog‘lanib, uning belgisini bildiradigan va «qanday?», «qanaqa?» so‘roqlariga javob bo‘ladigan so‘zlarga sifat deyiladi.M: Chiroyli, guzal, ajoyib, Shirin, oq, katta, shirali, mazmundor, serunum, kamhosil, ko‘ylakbop, xushfe’l kabi.