Shohjahon normurodov

Ikkinchi qismi turdosh otdan iborat bo‘lgan atoqli otlar qo‘shib yoziladi: Beshariq, Qorqiz, Qashqadaryo.
Ikkinchi qismi atoqli otdan iborat bo‘lgan qo‘shma otlar esa ajratib yoziladi: Markaziy Osiyo, Quyi Chirchiq
3) JUFT OTLAR – Bir-biriga yaqin yoki qarama-qarshi ma’noli asoslardan tarkib topgan otlarga juft otlar deyiladi. Masalan: o‘g‘il-qiz, idish-tovoq, ota-ona, non-choy va.b
4) TAKRORIY OTLAR – Ikkinchi qismi birinchi qismining tovush o‘zgarishi asosidagi takroridan tarkib topgan otlar takroriy otlar sanaladi. Masalan: tuz-puz, tovoq-povoq, uy-puy, non-pon, choy-poy va b.
ESLATMA:Juft va takroriy otlar qismlari chiziqcha bilan ajratib yoziladi.
Es-es, chelak-chelak, qator-qator kabi takror kelgan otlar ravish so‘z turkumiga o‘tadi.
1.Topshiriq . So‘zlarni tuzilishiga ko‘ra sodda, qo‘shma, juft, takroriy otlarga ajrating.
Qo‘ziqorin, achchiqtosh, uchburchak, dori-darmon, yosh-qari, qo‘ni-qo‘shni, daraxt, yer, osmon, non-pon, choy-poy, belkurak, belbog‘, tustovuq, oy, quyosh, tesha, ota-ona, aka-uka, qarindosh-urug‘, osh-posh, ko‘z-po‘z.
2.Topshiriq. Gaplarni o‘qing, sodda, qo‘shma, juft otlarni aniqlab, guruhlarga bo‘lib ko‘chiring.
1. Boychechakning tovlanib turgan gulbarglari hammaning ko‘nglidagi gina-adovatga barham berdi. (A. Ko‘chimov) 2. Oradan uch-to‘rt kun o‘tgach, dadam Qipchoqlardan hovli topib keldi. Ammam ko‘rpa-yostiq, amakim qozon-tovoq, boshqa tanishbilishlar choynak-piyola deganday, har kim baholi qudrat qarashib, o‘sha hovliga ko‘chdik. (Abdulla Qahhor) 3. Somonsuvoq qilingan tekis tomning ustiga o‘rikning bir shoxi egilib turardi. (P. Qodirov) 4. Bahoroy juda go‘zal, Hamma fasldan o‘zar. Gulchechakdan libosi, Yoqimlidir havosi. (M. Ibrohimova)
ATOQLI OTLARNING TURLARI VA IMLOSI
Biror shaxs, narsa yoki joyga atab qo‘yilgan nomlar atoqli otlar sanaladi. Atoqli otlar nimani
atab kelishiga ko‘ra:
1)shaxs nomlari;
2)joy nomlari;