Sharq renessansi (Movarounnahr va Xuroson IX-XII asrlar)’’

Bitiruv malakaviy ishining maqsad va vazifalari. Ishning asosiy maqsadi ko‘plab materillar va adabiyotlar hamda eng yangi ma’lumotlarga tayangan holda mazkur masalani tarixiy dalillar asosida yoritishdan iborat.
Ma’lumki, arablar Xuroson, Movarounnhr va Xorazmni bosib olgach, o‘lkamizda ham qattiqqo‘llik bilan yurtni arablashtirish siyosatini olib borganlar. Bu borada ustalik bilan islom dinidan foydalanilgan. Islom dini davlat dini, arab tili davlat tili va fan tili darajasiga ko‘tarilgan. Mahalliy tilda yozilgan asarlar yo‘q qilingan, yerli bilimdonlar quvg‘in ostiga olingan. Shu kabi tarixiy jarayonlarni hisobga olib, tadqiqotda quyidagi vazifalar rejalashtirildi:

• 
  Sharq uyg‘onishi davri tushunchasi va uning mohiyatini ochib berish;
  
• 
  Sharq renessansining vujudga kelishiga ta’sir etgan omillarni aniqlashtirish;
  
• 
  Sharq renessansining dunyo tafakkuri taraqqiyotiga qo‘shgan hissasi qay darajada ekanligi ochib berish;
  
• 
  Ilmlar rivojida Xorazm Ma’mun akademiyasining roli, Markaziy Osiyo sharqdagi muhim madaniyat va fan markazi ekanligini ko‘plab manbalarga tayangan holda ko‘rsatib berish;
  
• 
  Sharq mutafakkirlari ilmiy merosining g‘arb fanlari taraqqiyotida tutgan o‘rni hamda IX-XII asrlardagi sharqning buyuk allomalari haqidagi fikrlarni ilmiy tadqiqotlarga tayanib, ma’lum bir izchillikda yoritib berish;
  

Tadqiqotning manbaviy asosi. “Sharq renessansi” mavzusida tadqiqot olib borish jarayonida, ushbu mavzuga oid monografiyalar, o‘quv qo‘llanmalar, ilmiy maqolalar, ensiklopediyalardan foydalanildi. Ushbu manbalar bitiruv malakaviy ishining manbaviy asosini tashkil etadi bundan tashqari zamon bilan hamnafas holda elekton kutubxonalardan ham foydalanildi.
Tadqiqotning ilmiy yangiligi va amaliy ahamiyati. Ushbu bitiruv malakaviy ishida o‘ta muhim ilmiy yangilik qildik deb da’vo qilishdan ancha yiroqmiz, chunki bitiruv malakaviy ishi darajasida bunga erishish juda mushkil bo‘ladi. Lekin, biz bu ishning ayrim taraflarining ochilmagan tomonlarini ochib berishga harakat qildik va ishning yangiligi sifatida shularni alohida ta’kidlab o‘tishimiz mumkin. “Sharq renessansi” atamasi, uning mohiyati, vujudga kelishi kabi masalalarni turli adabiyotlar mushtarakligida baholi qudrat asoslashga harakat qildik. Shuningdek, imkon qadar Sharq renessansini vujudga kelishiga ta’sir etgan omillar va Markaziy Osiyo olimlari ilmiy merosini dunyo taraqqiyotidagi o‘rni naqadar buyuk ekanini ilmiy manbalar asosida dalillashga urindik.