Шапка комедия Қатнашувчилар

С о д и қ (Нима дейишини билмай). Оҳ - ҳооооооо…
К о т и б а. Нима?
Содиқ. Ҳазил (беўхшов тиржаяди).
Содиқ. (Котиба ишида давом этаверади. Содиқ яна нимадан гап бошлашни билмай каловланиб).Бошлиқ қанақа одам?
К о т и б а. (бироз ўйланиб) Билмадим. Ҳали ўзим ҳам кўрмаганман.
Содиқ. Нима? (ҳайрон қолади).
К о т и б а. (Аввалгидан ҳам жиддий туриб, қатьий оҳангда) Ҳазил.
Бир неча дақиқа сукутдан сўнг иккаласи ҳам кулиб юборишади.
Содиқ. Бошлиқ ўзи қандай одам?
Котиба. (кириш эшигига қараб) Безбет одам.
Содиқ. Йўғ-э…
Котиба. Ҳа, безбетлиги етмагандек ходимларига ишга эрта келинглар деб, талабини қўяди-ю, мана ўзи ҳар доимгидек ҳаммадан кеч келади. (иш столидан туриб Содиқнинг ёнига келиб) Мана мисол учун келганимга беш кун боълди-ю мендан иш соърашнинг оърнига фақат чой дамлатади. Бундан аввалги иш жойимда ҳам худди шунақа эди. Иш қилишга қўймас эди. Фақат чой сўрашарди.
Содиқ. Аввалги ишингиздан шунинг учун бўшаганмисиз?
Котиба. Йўқ. Туҳматдан.
Содиқ. (ҳайрон бўлиб) Тухматдан?
Котиба. (йиғлашга тушади) Ҳа, туҳматдан. Нима эмиш, мен бошлиғим устидан билган, билмаган одамларга ҳар хил гапларни гапириб ғийбат тарқатармишман. Бошлигъимни ёмонлармишман. Ўзингиз айтинг, наҳот мен шунақа аёлга ўхшасам?
Содиқ. (ҳайрон бўлиб) Йўқ.
Котиба. Улар шундай ўйлашмади - да. Кейин шартта аризамни ёзиб ишдан бўшаб кетдим. Сизга айтган гапларимни тағин бировга айтиб юрманг - а? Ишондим сизга.
Содиқ. Эркак битта гапиради. Айтсам лайча ит бўлай.
Котиба. Ким?
Содиқ. Лайча ит. (қўли билан итдай туриб, тилини чиқариб нафас олади).
Иккаласи ҳам кулиб юборишади. Ўша вақтда башанг кийинган қўлига портфел ушлаган бир одам кириб келади. Котиба кулгудан тўхтайди. Содиқ эса кулаверади.
К и м с а н б о й э в. Узр, суҳбатларингизга халақит бердим.
Содиқ. (хурсанд ҳолатда) Ҳеч қиси йўқ. Келаверинг, келаверинг. Қани марҳамат ўтиринг. (ўзи ўтирган столни кўрсатади)
Кириб келган киши Содиққа тикилиб миқ этмай туради. Содиқ бу сукутни бузиб