Шапка комедия Қатнашувчилар

К и м с а н б о е в. (бақиради) Барнохон…
Буни кўриб Барнохон ва Содиқ қотиб қолади. Бироз вазиятга тушунмаган
К и м с а н б о е в. Узр сизларни безовта қилдим. Шу маҳалладан ўтиб кетаётган эдим. Барнохоннинг шу уйга кириб кетганини кўриб машинани тўхтатишга мажбур бўлдим. Барнохон, мендан хафа бўлган эканми деб, ундан узр сўраш учун кирган эдим.
Барно. Нималар деяпсиз, Кимсанбоевич сиздан ҳафа бўлиб бўладими?
Шу пайт ичкаридан тугунчасини кўтариб бир қўлида боласини етаклаб олган Санам чиқиб келади.
Санам. Майли дадаси мендан рози бўлинг. Бахтли бўлинглар.
Барно. (Санамни юпатади) Нималар деяпсиз? Бу сиз ўйлаган нарса эмас. Эрингиз яхши инсон.
Гулзор. (ичкаридан бақириб келади) Топдим. Топдим. Отангда қолган шапкани топдим (шапкани кўтариб келади).
Содиқ. Топдингизми? (Онасининг қўлидан шапкани олиб Кимсанбоев томонга югуриб келади).
К и м с а н б о е в. (Кулиб, шапкани олиб Содиқнинг бошига кийгизиб) Янги ишлар муборак бўлсин. Эртадан бошлаб ишга чиқинг, Содиқ Арслонивич (кулиб чиқиб кетади. Орқасидан Барнохон чиқиб кетади).
Содиқ. (хурсанчилиги ичига сиғмай) Раҳмат, раҳмат сизга Кимсанбоевич. Раҳмат (икки қўлини кўксига қўйиб миннатдорчилик билдиради).
Чироқлар ўчади. Саҳна ёришганда сўрида “раҳмат, раҳмат” деб алаҳсираб ётган Содиқ ётади. Уни келиб хотини
Санам. Туринг, дадаси. Туринг, Содиқ ака ишга кеч қоласиз. Ҳайдовчингиз кутиб турибди. (силкилаб уйғотади).
Содиқ. (алаҳсираб уйғонади) Қанақа иш, қанақа ҳайдовчи?
Санам. Ҳазилни бас қилинг. Юз - қўлингизни ювинг. Туринг.
Содиқ. (ўрнидан туриб) Ҳайрият, тушим экан.
ТАМОМ