Шапка комедия Қатнашувчилар

Содиқ. Майли, ўзим ўтираман. Сиз ҳам иш сўраб келдизми?
К о т и б а. Йўқ, бу киши ҳалиги… (у гапини тугатмасидан Содиқ гап бошлайди)
Содиқ. Тўхтанг тўхтанг ўзим топаман. Бу киши ҳам сиздек бўшлигидан зулм кўрган ходимлардан бўлса керак (котиба тахтадек қотиб қолади).
К и м с а н б о е в. Хўш, хўш, хўш…
Содиқ. Нимага хўшшиллайсиз, ўша ўзидан жиддий одам ясаб олган бошлиқларизни айтаман.
К и м с а н б о е в. (ҳайратланиб)Унга нима қилибди .
Содиқ. Унга нима ҳам қиларди. Бойга бало урармиди. Шу бу киши билан (қўли билан котибани кўрсатиб) ўша чойхўр бошлиқларингизни ишга ўз вақтида келмаслиги ҳақида гаплашиб тургандик.
К и м с а н б о е в. (Бирдан ўрнидан туриб котибага қараб) Барнохон, менга чой келтирсангиз (бориб тўридаги бошлиқ столига ўтиради).
Котиба нима қиларини билмай ҳеч нима демай югуриб эшикдан чиқиб кетади. Содиқ бироз вақт жим туриб вазиятни юмшатмоқчи бўлиб бирдан гап бошлайди.
Содиқ. Хуллас, мана кўрганингиздек ,ўртоқ бошлиқ, мен ким ҳақида нима эшитсам ҳам умуман ишонмайман.
К и м с а н б о е в. (қатьийлик билан) Мақсадга кўчинг. Кимсиз ва бу ерда нима қилиб юрибсиз?
Содиқ. (Бошлиқнинг савлати босиб) Мен ҳалиги ишга кирмоқчи эдим.
К и м с а н б о е в. Хўш …
Содиқ. Исмим Содиқжон.
К и м с а н б о е в. Хўш…
Содиқ. Қўшни маҳалладаги раҳматли Собир қассобнинг ўғли бўламан.
К и м с а н б о е в. Хўш…
Содиқ. Отамни. Бундан беш йил олидин буқа сузиб ўлдирган.
К и м с а н б о е в. Хўш…
Содиқ. Ўзим молия институтини тамомлаганман.
К и м с а н б о е в. Хўш…
Содиқ. Курсда энг аълочиси бўлганман. Шунинг учун қизил дипломга тамомлаганман.