Shakllantirishning pedagogik asoslari

I
Bob bo’yicha xulosa
Xulosa qilib aytish mumkinki, oilada tarbiyadagi asosiy mas’uliyat ona
zimmasida bo’ladi. Shuning uchun, onaning islomiy tarbiya olganligi, sog’lom
e’tiqodligi farzandlar tarbiyasi uchun, o’smirlarda sog’lom e’tiqodni shakllantirish
uchun suv va havodek zarurdir.
Birinchi bobga xulosa yasar ekanmiz, o’smirlarda sog’lom e’tiqodni
shakllantirishda milliy va ma’naviy qadryatlardan fodalanish yaxshi samara beradi.
Tarbiya masalasiga jiddiy yondashib, uning barcha mos turlarini integratsiyalash,
ota-onalarning tajribasi va hamkorlik madaniyatidan unumli foydalanishlari, diniy
bilimlarga egaligi o’smirlarda sog’lom e’tiqodni shakllantirishning muhim
shartlaridan hisoblanadi. O’smirlarimizni shaxs sifatida tan ola bilsak, ular yuqori
cho’qqilarni albatta zabt etadilar. 
Zero, o’smirning o’qishi jamoat ishida ishtiroki va xulqi–atvori, yurish-
turishi va xatti-harakati birgalikda olib qaralgandagina o’smir shaxsiga har 
tomonlama yondashilgan bo’ladi. Tarbiya jarayonida o’smirni shaxs sifatida tan 
olish juda muhimdir. Masalan: Bendjamin Spok “shaxs “yo’q” degan so’zdan 
boshlanadi” deb aytgan edi. Boshqa bir olim - “shaxs o’zidan tashqarida taassurot 
qoldirish qobiliyatiga ega ekanligini tan olishidir”, deydi. Yana biri, “mening o’z 
mehnatimga tarixiy madaniyat nuqtai nazaridan qaraladigan bo’lsa, u holda men 
fikrlayman, demak, men insonman”, deydi.
Yoshlarni sog’lom e’tiqodli qilib tarbiyalash vazifasi hamma davrlarda 
jamoatchilik diqqat markazida bo’lib, u har bir davrda zamon talablaridan kelib 
chiqib hal qilingan. Farzandlarimizni komil inson qilib tarbiyalashni hohlar 
ekanmiz, bu borada to’plagan tajribamizga murojaat qilishimiz shart. 
Ajdodlarimiz e’tiqod tarbiyasining negizi sifatida ahloqiy uchlik: o’y, niyat-
so’z-ish birligini yaratishgan. Misol uchun “Avesto” dagi shunday fikrlar, ya’ni 
ezgu niyat, so’z va ish birligini jamiyat hayotining ustuvor g’oyasi sifatida talqin 
etilgani bizning bugungi ma’naviy ideallarimiz bilan naqadar uzviy bog’liq, 
nechog’liq mustahkam hayotiy asosga ega ekani ayniqsa e’tiborlidir. 

---

36 
Demak, o’smirlarda sog’lom e’tiqodni shakllantirish ta’lim muassasalarida
tarbiya yo’nalishlarinig pedagogik asoslarini yaratilishi, davr talabidan kelib 
chiqib, g’oyaviy tarbiyaning barcha imkoniyatlaridan to’la foydalanishni taqozo 
etadi.

---

37