Шахс ва жамият ўқитувчи учун услубий қўлланма

Шафқатсизликка мисол	Реакция шаклига мисол
Қаршилик кўрсатиш оқибати
Ироқ мунтазам армияси 100 минг нафар аскар, танклар ва бронетранспортёрларда Қувайтга ҳужуми (1990 й.)	Қувайт ўз давлатини ҳимоя қилиш чораларини кўрди.	БМТ Хавфсизлик Кенгаши Ироқни тинчлик ўрнатувчи кучларнинг ҳарбий аралашуви мумкинлиги ҳақида огоҳлантирди.
Ўта шафқатсизликка мисол	Реакция шаклига мисол	Қаршилик кўрсатиш оқибати
Ал-Қувайтнинг талон-тарож қилиниши. Кафандуздлик. Қувайт ҳудудидаги нефть қудуқларининг ёқиб юборилиши. 700 дан ортиқ оммавий қирғинлар. 12 минг қувайтлик қириб ташланди. 15 минг нафари бедарак йўқолди. Қувайт кўрган умумий зарар 100 млрд. долларга тенг.	Азоб-уқубатлар. Нафрат. Саросима. Қочоқлар. Жаҳон ҳамжамиятига ёрдам сўраб мурожаат қилиниши.	Ироқнинг нефть сотишига қарши халқаро эмбарго^1. БМТ Хавфсизлик Кенгашининг қарорига кўра Ироқ ҳудуди ёпирилиб бомбардимон қилинди. Жаҳон ҳамжамияти Ироқ келтирилган зарарни қоплашини талаб қилди.

Жадвал мазмуни “Новое время” журнали (№ 10, 1991 й.) мақолаларидан келтирилди.

Жадвал билан ишлаш ва топшириқнинг а) ва б) бандлари устида фикр юритиш уй вазифасини мустақил бажариш учун асос бўлиб хизмат қилади.

Ушбу бўлим ортиқча шафқатсизлик ҳаракатлари жамият томонидан қораланишини, унинг қадр-қимматни ҳурмат қилиш тушунчасига қарши эканлигини ва янги-янги шафқатсизлик ҳаракатларини келтириб чиқаришини тушуниб олишда ўқувчиларга ёрдам беришга мўлжалланган. ХИҲ ваҳшийлик ва урушда йўл қўйилиши мумкин бўлган ҳатти-ҳаракатлар ўртасидаги чегарани белгилаб беради.