Sh. T. Otaboev t. I. Iskandarov kommunal gigiena

UY-JOYLARNI SHOVQIN-SURONDAN MUHOFAZA QILISH
Ko’p qavatli uy-joylarning ko’cha tomonga qaragan dyerazalaridan ko’chadagi shovqin-suron eshitilib turadi. Hozirgi qurilayotgan uy- joylarning asosiy kamchiliklaridan biri tovush signallarini o’tkazishi, uy- joylarda shovqin, hatto tebranishlarning paydo bo’lishidir. Uy-joylardagi shovqin-suronning man’balari juda ko’p, qizig’i shundaki, uy devorlari orqali har qanday shovqin baland tovush bilan o’tadi va u odamga noqulaylik tug’diradi.
SHovqin turlarini gigienachilar ikki turga bo’lib o’rganadilar. Birinchisi havo orqali tarqaladigan shovqin. Bu ko’cha shovqini, baland ovozda gapirish, radio orqali so’zlaganda hosil bo’ladigan shovqinlar. Ikkinchisi urilganda hosil bo’ladigan shovqin - ikki predmetning bir-biriga ulashda yoki uni devorlarga, polga urilishi va boshqa urilishlar sababli hosil bo’ladigan shovqinlar. Jumladan baland poshnali tuflida yurish yoki lift harakati oqibatida
chiqadigan shovqin, motor va boshqa narsalar shovqini (temir-beton uylar devorini yaxshi o’tkazuvchanligi oqibatida) uy-joy xonalariga yaxshi eshitiladi va odamlar tinchligini buzadi.
Xona devorlariga urilgan shovqin ancha o’zgarishlarga uchrashi mumkin. Jumladan, ularning bir qismi devorlarga urilib orqaga, shovqin chiqqan joyga qaytadi, bir qismi devorlarga shimiladi va tirqishlardan qo’shni xonalarga tarqaydi.
Demak, uy-joylardagi shovqin-suronning oldini olish uchun, bu
shovqin-suronga sabab bo’ladigan manba’larni yo’qotish kerak, ya’ni qurilish matyeriallarining tovush o’tkazish xususiyatlarini kamaytirish, oyna va eshik tirqishlarini zichlash kerak bo’ladi.
Quyidagi jadvalda (A. N. Marzeev, V. M. Jabotinskiy) qurilish matyeriallarining tovush o’tkazuvchanlik xususiyati keltirilgan: