Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

Men insonlarni o`rgandim, ong osti imkoniyatlarining 
guvohi bo`ldim. Va barcha muammolarni lahzada hal qilish 
texnikasini kashf qildim.
Bu kashfiyotdan ko`zlarim 
yoshlandi, yig`ladim. Yaratuvchiga menga bergan bilimlari 
uchun cheksiz minnatdorchilik bildiraman. Bu bilimlarni 
insoniyatga berishni xohlayman. 
Endi muammo yo`q. Endi 
bizning qo`limizda sehrli tayoqcha bor. Uni silkitishimiz 
bilan hayotimiz lahzalarda o`zgaradi. 
Aziz kitobxon, 
lahzalarda o`zgarishga tayyormisiz? Men sizga mana shu 
imkoniyatni taqdim etmoqchiman. Agar javobingiz “Ha” bo`lsa, 
kitob bo`ylab sayohatni boshladik. Olg`a!!!! 
O`ZIM HAQIMDA 
Siz men haqimda ham, albatta, bilishni xohlaysiz. 
Shundaymi? Keling, siz bilan tanishamiz. Men aslida 
filologman, ya’ni tilshunos hamda adabiyotshunos. Alisher 
Navoiy bo`yicha kandidatlik dissertatsiyasini yoqlaganman. Til 
va adabiyot sohasida 15 dan ortiq o`quv qo`llanmalar 
yozganman. 14 yildan beri shu sohaga doir kitoblar 
chiqaraman. 2021-yildan psixologiya sohasida ham ijod qilishni 
boshladim. “Magnit ayol” nomli kitobim juda ko`p ayollarning 
sevimli kitobiga aylandi. Hozirda kvant psixologiyaga sho`ng`ib 
ketganman. Bu sohaga doir 50 ga yaqin kitoblar yozishni va 
sizlarga taqdim etishni maqsad qilganman. Yoshim 48 da. 
Oilaliman, 3 nafar farzandning onasiman.
Kvant psixologiya bo`yicha ko`plab amaliyot va retritlar 
tashkil etyapman. Telegramda @ayollikenergiyasii guruhim bor. 
Unda haftada bir yoki ikki marta videochatlar orqali ayollarning 
savollariga javob berib boraman. YouTubeda Erkaboyeva 
akademiyasi nomli kanalim bor. erkaboyeva.uz saytimiz ham 
sizlarning xizmatingizda.