Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

SEVISHNI O`RGANAMIZ 

---

Men sizga, avvalo, sevishni o`rgataman. Sevishni bilasizmi 
o`zi? Ko`pchilik mijozlarim sevish nimalagini bilmasliklarini va 
uni o`rganishni xohlashlarini aytishadi. Albatta, sizga sevishni 
o`rgataman. Chunki bu mening eng asosiy vazifalarimdan 
biridir. Men sizga sevishni, insonlar va vaziyatlar bilan 
kelishishni o`rgataman.
Aslida biz olamni ikkiga ajratamiz: yaxshi va yomon yoki 
ezgulik va yovuzlikka. Bizda ikkita hissiyot mavjud: sevish va 
nafratlanish. Bizga nima yoqsa, shu narsa biz uchun yaxshi 
hisoblanadi. Bizga nima yoqmasa – shu narsa yomon. Demakki, 
aslida “yaxshi” va “yomon” deyish orqali biz insonlarga va 
vaziyatlarga o`z munosabatimizni bildiramiz. Bizga mohiyat 
qiziq emas, ya’ni shu inson va vaziyatning aslida qandayligi 
muhim emas, balki bizning ularga munosabatimiz muhim. 
Masalan, kim uchundir erta turish – yaxshi, chunki bu odat 
unga yoqadi; kim uchundir erta turish – yomon, chunki bu odat 
unga yoqmaydi.
“Sevish” va “nafratlanish” tushunchalari ham shunday.