Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

---

SEVISH VAQTI KELDI… 
Muallif: Nargiza Erkaboyeva
 
MUQADDIMA 
Agar sen qayerga yurishni 
bilmayotgan bo‘lsang, to‘xta va o‘yla: 
sen o‘zi qayerdan kelgansan? 
Qabulimga 48 yoshli ayol ishga kirish masalasi bo`yicha 
maslahat so`rab keldi. Kvant maydonda mijozimning ishga 
kirolmaslik sababini diagnostika qildim. Diagnostika – bu 
mijozning xohishga qarab u qo`ygan savol bo`yicha vaziyatning 
asl sabibini aniqlash. Diagnostikadan ma’lum bo`lishicha, ayol 
sobiq sevgilisidan qo`rqib ishga kira olmayotgandi. Sobiq sevgilisi 
28 yoshda, tibbiyot sohasida o`qirdi. Qisqasi, ayol mijozimning 
umri davomida juda ko`p erkaklar bilan jinsiy yaqinlik qilgani 
ayon bo`ldi. Ayol erkaklarni tez-tez almashtirgan. O`zini bir 
poyezddan ikkinchi poyezdga o`tib yuradigan yo`lovchiday his 
qilgan. Biri ketsa, o`rniga ikkinchisi kelgan. “Endi qanaqasi 
kelarkan?” deb o`ylar ekan u. Eng qizig`i, ayol hech bir erkak 
bilan uzoq munosabatda bo`lmagan. Ular bilan birga bo`lganda 
o`zida qoniqish ham his qilmagan. Nima uchun shundayligini 
anglamagan holda erkak almashtirishda davom etgan.
Yana bir mijozim 21 yoshli qiz. Nufuzli oliygohlardan birida 
o`qiydi. Kelishgan, xushbichim, aqlli, go`zal – bir so`z bilan 
aytganda, bir oilaning sevimli bekasi bo`lishga arziydigan qiz. 
Qiz ikki yildan beri yigitlar bilan jinsiy munosabatda bo`ladi. 
Qanchalik harakat qilsa ham, o`zini to`xtata olmaydi. Uyidagilar 
bundan bexabar. Ko`p marta o`ziga “bas” deb aytdi, lekin 
uddalay olmadi. O`zini to`xtatolmaganidan, yigitlarni tinmay 
almashtirayotganidan hayratga tushadi. Go`yo o`zini qandaydir 
ko`rinmas kuch boshqarayotgandek tuyuladi. Kechalari yig`lab 
chiqadi, qo`rquvga tushadi, lekin chorasiz. 
Yana bir mijozim 27 yoshli yigit. Tinim bilmay ishlaydi, kam 
uxlaydi. Oliygohni bitirgan, lekin oyligi kamligi sababli o`z 
kasbida ishlamaydi. Qancha harakat qilsa ham, kredit va 

---

qarzlardan chiqib ketolmaydi. Topgan puli bir tomondan keladi, 
ikkinchi tomondan to`xtamasdan chiqib ketaveradi. Qisqa qilib 
aytganda, qo`li pul ko`rmaydi.
Yuqoridagi kabi yuzlab mijozlar bilan ishladim. 
Hammasining ildizi bitta, hamma hal bo`lmayotgan 
muammolarni rod (ajdodlar tizimi)ga bog`lagan holda hal qilish 
mumkin. Eng hayratlanarlisi, asosiy ildizga kirib borilganda 
muammo ortga qaytmaydigan darajada yechiladi.
Hozirda insonlar o`zini anglashni, o`zini his qilishni, o`zini 
sevishni istab qolishdi. Hech qaysi davrda insoniyat bunchalik 
o`zini tanishga kuchli ehtiyoj sezmagan. “Nega aynan shu 
sayyorada dunyoga keldim? Nima uchun yashayapman? Men 
aslida kimman?” Shunday savollar hammani birday 
o`ylantirmoqda. Bu haqda qanchalik ko`p o`ylasak, shunchalik 
ko`p izlanishga harakat qilamiz.