Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

Aslida biz yashayotganimizni 
ham his qilmay qo`ygan ekanmiz. Ota-onamizni, turmush 
o`rtog`imizni, farzandlarimizni va hattoki o`z tanamizni 
ham his qilmay qo`yganmiz. 
Chanqaganimizda, yoki qornimiz 
ochqaganida, yoki biror joyimiz og`riganidagina tanamizni eslab 
qolamiz. Mijozlarimning aksariyati hech kimni sog`inmay 
qo`yganini ham aytib, maslahat so`rashadi. Hamma asl o`ziga 
qaytishni istaydi. Lekin u qayerda?
Qayerda o`zi o`sha asl o`zlik?
Biz kimmiz o`zi?
Aynan hozirda surayotgan xayollarimiz o`zimiznikimi?
Bizni hozirda qiynayotgan kasallik o`zimiznikimi?
Moddiy yetishmovchilik, muttasil pulsizlik, hissizlik, 
xiyonat, janjal, g`iybatga moyillik – bular bizga tegishlimi?
Bizning tashqi ko`rinishimiz, olamni qanday qabul 
qilishimiz, fikrlarimiz, xatti-harakatlarimiz, taqdirimiz 
o`zimizniki emasligiga ishona olasizmi?