Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

hech kimni istisno qilib bo`lmaydi. 
Olib tashlanganning o`rniga yosh avlod vakillari keladi. 
 
Biz ruhning buyruqlarini bilmaymiz. Bu qonunlar 
istisnosiz hamma uchun amal qiladi. Va bu qonunlarni 
bilmaslik oqibatlardan ozod qilmaydi. 
Oila tizimi o`z buyruqlari bilan boshqariladigan ruhga ega. 
Va barcha oila a’zolari ularga bo`ysunadi. Ko`pgina oila a’zolari 
o`z ajdodlar tizimidagi birovning taqdiri bilan chambarchas 
bog`liq. 
Bizning hayotimiz, xatti-harakatlarimiz, his-
tuyg`ularimizga qarindoshlarning o`tmishdagi taqdirlari 
ta’sir qiladi. 
Bir tomondan, insonni o`z oilasiga tegishli bo`lgan oilaviy 
qadriyatlar boshqaradi. Chunki inson oila tizimi qoidalariga 
to`liq rioya qiladi, shu tizim dasturlariga o`z hayoti mobaynida 
qat’iy amal qiladi. Sizga o`z hayotimdan bunga misol 
keltirmoqchiman. 
Biz Toshkentda ko`p qavatli uylarda 20 yildan 
ziyod yashadik. Yaqinda hovli olib, unga ko`chib o`tdik. Turmush 
o`rtog`im uyda qurilish ishlarini boshladilar. Ikki yildan beri 
uyimizdan ustalar arimaydi. Ularga turmush o`rtog`im 
shunchalik e’tibor beradilarki, xuddi ularsiz hayotlarida mazmun 
yo`qdek. Buning sababi oddiy: qaynotam usta bo`lganlar. 
Turmush o`rtog`im ong ostida ularda o`z otasini ko`rsalar kerak 

---

deb o`ylayman. Qaynopam ham hovlilarida usta ishlatdilar. 
Ustalarga pirog, shirinliklar, kompotlargacha pishirib berardilar. 
Ustalarning menyusini har xil qilib tuzib chiqqanlar. Bir xil taom 
yeyishsa, ovqat yeyolmay charchab qolishadi, deydilar. Turmush 
o`rtog`imda ham xuddi shunday holat: ustalarning menyusini 
o`zlari tuzib berganlar va buni qat’iy nazorat qiladilar. 
Qaynopam ustalarning prostinalarini ham har ikki kunda 
almashtirib beradilar. Qisqasi, ular ustalarni qadrli mehmonday 
izzat qiladilar. Chunki bu oila ustalar avlodi hisoblanadi. Bu 
oilada tog`alar ham, xolalarning o`g`illari ham, turmush 
o`rtog`imdan boshqa barcha o`g`illar ham ustachilik bilan 
shug`ullanishadi. Turmush o`rtog`im ham ustalarning yonidan 
bir qadam ham uzoqqa ketmaydilar. Ularning har bir ishini 
sinchiklab kuzatib, har xil ko`rsatmalar berib turadilar. 
Boshqa tomondan, har bir insonning hayoti oila ruhining 
buyruqlariga ta’sir qiladi, hattoki ba’zan ota-onasining, 
oilasining e’tiqodlariga zid keladi.