Sevish vaqti keldi… Muallif: Nargiza Erkaboyeva muqaddima agar sen qayerga yurishni bilmayotgan bo‘lsang, to‘xta va o‘yla: sen o‘zi qayerdan kelgansan?

Muvaffaqiyat va muvaffaqiyatsizlik, kasallik va 
sog`liq, munosabatlar va yolg`izlik – hamma narsa oldingi 
ajdodlar taqdirida o`zining boshlanishi va rivojlanishiga ega.
Odamlar qiyin hayotiy sinovlardan so`nggina qalbning ovozini 
tinglashni boshlaydilar. Taqdir zarbalari, muvaffaqiyatsizliklar, 
kasallik, bolalar hayotidagi muammolar – bularning barchasi 
odamni javob izlashga va kattaroq narsani tinglashga majbur 
qiladi. 
Yaqinda opam farzandlarining oldida o`zini ortiqcha 
sezayotganini, aslida butunlay yolg`iz ekanligidan 

---

azoblanayotganini aytib qoldilar. “Mendagi hislar o`zimnikimi? 
Nega tez-tez shu hislar va xayollar ta’siriga tushib qolyapman? 
Bularning asl ildizi qayerda? Yoki ular rostdan ham faqat menga 
tegishlimi?” – so`radilar opam. Men kvant maydonda ajdodlar 
taqdiriga o`tib ko`rdim. Bu hislar opamga onamning buvisidan 
kelayotgandi, ya’ni opamdan to`rtta oldingi ayol shu hislarni bir 
umr his qilgandi. Buvimning eri urushdan qaytmagan, ikkita qizi 
bilan beva qolgan. Bir umr erining o`limiga ishonmasdan uning 
qaytishini kutib yashagan. Boshqa turmush qurmagan. Qizlarini 
uzatgandan so`ng ba’zan katta qizinikida, ba’zan kichik 
qizinikida yashagan. Kuyovlarining oldida o`zini ortiqchaday his 
qilgan. Kuyovlardan juda ko`ngli qolgan. Hatto qizlaridan ham 
xafa bo`lgan. O`z farzandlarining uyida o`zini ortiqcha his qilish, 
o`zini juda yolg`iz sezish hislari shu ayolga tegishli edi. Opam bu 
ayolning to`rtinchi avlodi hisoblanadi. Opam eri bilan 14 yildan 
beri alohida yashaydi, lekin hali erida bilan qonuniy 
ajrashmagan. E’tibor bering: buvi ham eri bilan qonuniy 
ajrashmagan edi, chunki buvining eri urushdan qaytmagandi; 
opam ham eri bilan qonuniy ajrashmagan, lekin ular umuman 
birga yashashmaydi. Opam buviga chevara bo`ladi. Chevara 
bilan buvining taqdiri judayam o`xshash edi. Buvining faqat 2 ta 
qizi bo`lgan, chevarasida esa faqat 2 ta o`g`il bor. Buvi 
kuyovlarining oldida o`zini ortiqcha his qilgan bo`lsa, chevarasi 
kelinlarining oldida o`zini ortiqcha his qilmoqda. Demak, 
chevaraning taqdiri buvining taqdiriga bog`liq. Men bu 
bog`liqlikni uzib berdim va opam o`z hayotiga qaytdi. Bu ishni 
qanday amalga oshirganim bilan siz keyingi boblarda 
tanishasiz. Siz bilishingiz kerak bo`lgan muhim narsa shundaki,