Sertifikatlastiriw tiykarlari

Germaniyada sertifikatlastırıw iskerligi. Germaniyada sertifikatlastırıwdıń tiykarı bolıp Federal húkimet darejesinde qabıl etilgen nızamlar xızmet kórsetedi. Bular óz ishine den-sawlıq saqlaw, tábiyaattı qorǵaw, miynet qawipsizligin, ekonomika resursların, qarıydarlardıń huqıqların qorǵawǵa jóneltirilgen nızamlardı óz ishine aladı. Bul nızamlarǵa tiykarınan, 1968 jılda qabıl etilgen ‘‘Úskenelerdiń qawipsizligin támiyinlew haqqında’‘ nızamı kiritilip, bul nızamnıń tiykarı bolıp tábiyaattı qorǵaw nızamları xızmet etken.

Islepshıǵarıwshı yamasa shetten ónim alıp kiretuǵınnıń ónimi ámeldegi nızamlarǵa muwapıqlıǵı texnikalıq qadaǵalaw kepilligine iye keńselerde tekserilgen hám federal húkimet buyrıqlarına tiykarlanǵan bolsa, oǵan tekserilǵanlik GS ‘‘qawipsizlik belgisi’‘ni qoyıwı múmkin bolǵan.

Sertifikatlastırıw boyınsha Germaniyada iskerlik júrgizetuǵın tiykarǵı jeti sistema ámeldegi bolıp, olardıń sheńberinde 400 den artıq basqarmalar jumıs júrgizedi. Ónimlerdi sertifikatlastırıw boyınsha eń aktiv jumıs alıp baratuǵın shólkem retinde DIN bar. Ol Germaniya daǵı standartlarǵa muwapıqlıqtı tekseriw boyınsha jumıs júrgizetuǵın institutı. DINsertifikatlastırıw sistemasında qadaǵalaw hám qaǵıydalardı islep shıǵıp, engizedi.

Ónimdi talaplarǵa muwapıqlıǵın tastıyıqlaw DIN belgisi menen tamǵalanadı yamasa buyımlar DIN-qepruft (qadaǵalaw -tekseriw belgisi), yamasa ónimge muwapıqlıq sertifikatı tapsırıladı. DIN belgisi gaz hám suw támiynatı

Buyım hám apparatlarınan tısqarı, barlıq túrdegi ónimlerge DIN-qepruft belgisi qollanıladı.

Elektr tarmaqlardı sertifikatlastırıw Germaniya elektrotexniklar keńesi (VDE) arqalı atqarıladı. Tórt sertifikatlastırıw sisteması DIN standartları yamasa VDE texnikalıq shártlerine muwapıq ámelge asırıladı. Bul hár bir sistema VDE tiykarında óziniń muwapıqlıq belgisine iye. Sistemada tómendegi buyım túrlerin sertifikatlastırıw ámelge asırıladı :

- xo'jalik elektrotexnik apparatları, jaqtılandıriw apparatları, transformatorlar qawipsizligi, televizion apparatlar, radio apparatlar hám h.;

- elektr kabel hám jipler;

- elektromagnit uqsaslıqtaǵı sınaw dizimine alınǵan elektr apparatları ;

- elektron texnika buyımları.

Sapa sistemasın sertifikatlastırıw boyınsha Germaniya jámiyeti (DQS) firmalardıń qálegen tiykarda bergen rásmiy arzalarına kóre kárxananıń sapa sistemasın sertifikatlastırıwdı ámelge asıradı.

1991 jılda Nemis akkreditatsiya boyınsha Keńesi (DAR) islengen bolıp, Germaniyada akkreditlestiriw boyınsha iskerlikti muwapıqlastıradı. Akkreditlestiriw boyınsha oraylıq mekeme tikkeley texnika, medicina ónimleri, qáwipli zatlar hám de pochta tarawı, informatsion texnikada qawipsizlik hám telekommunikatsiya tarawlarında nızamlı basqarıwdı ámelge asıradı. Nızamda basqarilmaytuǵın tarawlar boyınsha akkreditlestiriwdi (menejment sisteması hám xızmetkerlerdi sertifikatlastırıw ) 1990 jıl shólkemlesken akkreditlestiriw boyınsha bas shólkem (TGA) júrgizedi.