Seminar mashg‘ulotlar mazmuni 1-mavzu: pedagogika nazariyasi fanining mazmuni, mohiyati va predmeti

Pedagogik tajribaning ilmiy-amaliy ahamiyati qanday?
Pedagogik tajriba (lotincha “experimentum” – sinov, sinash, tajriba) metodining ilmiy-amaliy ahamiyati muammo echimini topish imkoniyatlarini o‘rganish, mavjud pedagogik sharoitlarning maqsadga erishishni kafolatlay olishi, berilayotgan tavsiyalarning amaliyotda o‘z in’ikosiga ega bo‘la olishi va ularning samaradorligini aniqlash uchun keng imkoniyatlarni yaratishda aks etadi.
Pedagogik tajribaning qanday turlari mavjud?
Pedagogik tajribaning tabiiy tajriba, laboratoriya tajribasi, tajriba ishi kabi turlari mavjud.
Pedagogik tajribaning samaradorligi qanday shartlarga rioya etish asosida ta’minlanadi?
Pedagogik tajribaning samaradorligi quyidagi shartlarga rioya etish asosida ta’minlanadi:
- tajribaning maqbul loyiha (dastur) asosida uyushtirilishi;
- tadqiqot ilmiy farazining puxta asoslanishi;
- tadqiqot ob’ektlari va usullarining to‘g‘ri tanlanishi;
- tajriba o‘tkazilish vaqti, davomiyligining aniqlanishi;
- zarur pedagogik shart-sharoitlar (asbob-uskuna, jihozlar, vositalar)ning yaratilganligi;
- tajriba ma’lumotlarini umumlashtirish, tahlil qilish, natijalarni qayta ishlashning to‘g‘ri amalga oshirilishi.
Matematik-statistika qanday fan?
Matematik-statistika – statistik ma’lumotlarni to‘plash, statistik qonuniyatlarga muvofiq tizimlashtirish, qayta ishlash, ular asosida ilmiy va amaliy xulosalar chiqarish usullarini o‘rganadigan fan.
Matematik-statistik tahlil metodi nima?
Matematik-statistik tahlil – pedagogik tadqiqot, tajriba-sinov ishlarining amaliy natijalarini ma’lum bir maqsad asosida tizimli o‘rganish, umumlashtirish va amaliy natijalarning haqqoniyligini baholash maqsadida olib boriladigan tahlil.
Pedagogik ilmiy-tadqiqotlarda nima uchun matematik-statistik metod qo‘llaniladi?
Pedagogik ilmiy-tadqiqotlarda matematik-statistik metodning qo‘llanilishidan ko‘zlangan maqsad tajriba-sinov ishlari, shuningdek, tadqiqot ishining samaradorlik darajasini aniqlashdan iborat. Unga ko‘ra tajriba va nazorat guruhlarida tajriba avvali hamda yakunida qo‘lga kiritilgan ko‘rsatkichlar maxsus matematik formulalar yordamida qayta tahlil etiladi, yakuniy qiymat tadqiqot samarasini ifodalovchi asosiy ko‘rsatkich hisoblanadi
Pedagogik ilmiy-tadqiqotlarda qanday matematik-statistik metodlar qo‘llanilib kelinmoqda?
Pedagogik ilmiy-tadqiqotlarda Ko‘virlyag, Styudent-Fisher, Rokich, V.Bespalko va V.Grechixin metodlari kabi matematik-statistik metodlar qo‘llanilib kelinmoqda.