Семинар машғулотларининг технологик лойиҳалари

2. “Tavsiyanoma” texnologiyasi
talabalarda muayyan yo’nalishda tashkil 
etiladigan pedagogik faoliyat samaradorligini ta’minlash yuzasidan muayyan 
tavsiyalarni ilgari surish ko’nikmasini shakllantiradi. Ilgari surilayotgan tavsiyalar 
mazmunan masalaning echimini topishga yordam berishi, ilmiy jihatdan pedagogik 
amaliyotga mos kelishi talab etiladi. Metodni qo’llashda quyidagi tartibda ish 
ko’riladi: 1) o’qituvchi tavsiyanoma tayyorlash talab etilgan masalani 
aniqlashtiradi; 2) talabalarga bu haqida e’lon qiladi; 3) talabalar fikr yuritish 
asosida masalaning echimini topishga harakat qiladilar; 4) masalaning umumiy 
mohiyatini qayta yodga olish orqali uning muhim jihatlarini belgilab olinadi; 5) 
belgilangan muhim jihatlarga tayangan holda muayyan tavsiyalar ishlab chiqiladi; 
6) ilgari surilayotgan tavsiyalar va ularning samaradorligi muhokama qilinadi; 7) 
yakuniy xulosaga kelinadi. 
Texnologiyani qo’llashda talabalar guruh yoki juftliklarga birikkan holda yoki 
alohida faoliyat yuritishlari mumkin. Mashg’ulot jarayonida talabalar tomonidan 
ilgari surilgan barcha tavsiyalar umumlashtiriladi.
 
4-mavzu: Didaktika ta’lim nazariyasi sifatida. Ta’lim paradigmalari. 
Ta’lim jarayoni yagona pedagogik tizim sifatida. Ta’lim tamoyillari 
Mashg’ulot uchun materiallar 
I. Talabalar uchun topshiriq. 
Blis-so’rov savollariga javob qaytaring. 
Bu o’rinda talabalarning e’tiborlariga quyidagi savollar havola etiladi: 

---

44 
1. “Didaktika” tushunchasi qanday ma’noni anglatadi? 
2. Didaktika nimani o’rganadi? 
3. Ta’lim jarayonlari va ularni amalga oshirish shartlarini ta’riflash va 
tushuntirish; ta’lim jarayonini yanada mukammal tashkil etish, ya’ni ta’lim tizimlari 
va texnologiyalarini ishlab chiqish; ta’lim jarayoni uchun xos bo’lgan umumiy 
qonuniyatlarni aniqlash, omillarni tahlil qilish va ta’riflash. Bu holatlar didaktikaning 
qasi jihatlarini yoritmoqda?
4. “Ta’lim paradigmalari” tushunchasini ta’riflang. 
5. Ta’lim jarayonini boshqarish qanday bosqichlarda tashkil etiladi? 
6. Bilimlarni o’zlashtirish jarayonining bosqichlarini sanab o’ting.