Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Хуллас Имона бола билан андармон, ҳаётдан хурсанд, ўз боласи ҳақидаги ғамни бироз бўлсада унутганди... ЗТМ...
Кадрда титр берилади: Орадан йиллар ўтди...
16 – ЭПИЗОД.
Кадрда бирор боғ кўчаси.
Умиднинг 23 ёш ва Севинчнинг 23 ёшдаги ҳолати. У иккиси тақдир ҳукми билан бир-бирини севиб қолган. Учрашиб юришибди.
Севинч чиройли кийиниб олган, лекин ҳозир у ҳам бой ҳолатида эмас. Умид эса ўқиган, ақлли, босиқ, бирорта фирмада программист бўлиб ишлайди. Яхши топармон тутармон йигит ролида.
Умид: Севинч, ойим мени уйлантириш тараддудига тушиб қолганлар. Сен уйингдагиларга мен ҳақимда айтдингми?
Севинч: Йўқ ҳали айтолмадим Умид ака. Биласизку, дадамнинг анчадан бери тоблари йўқ. Ойимдан кейин ётиб қолганлар. Бундай пайтда қандай айтаман.
Умид: Келаётган бошқа совчиларга нима деяптилар?
Севинч: Совчиларни кўпини эшикдан киргизмай, ҳали мени узатишмайди деб жавоб бериб юборяпман. Дадамга қолса, кўзим очиқлигида сени бахтингни кўрсам ,дейдилар.
Умид: Ана кўрдинг, агар иккимизни муҳаббатимиз ҳақида айтсанг, балки хурсанд бўларлар. Тўйга ҳам розилик бериб юборарлар.
Севинч: Қайдам, Умид ака? Нима деб гап бошлашни билмаяпман. Яна бирор йил кутайлик. Дадам тузалиб оёққа турсинлар.
Умид: Лекин мен ҳам онажонимга ёрдамчи, ёнларида қиздек бўладиган келин опкелишни ваъда қилиб қўйганман. Онам бечора мени бир ўзлари не азобларда катта қилганлар. Бу кунларга етгунича қандай оғир кунларни кечирганимиззи ёлғиз Оллоҳ ва ўзимиз биламиз. Лекин шу қийинчиликка қарамай онажоним кечаю кундуз фаррошлик, идиш товоқ ювувчи, ҳатто кўча супурувчи бўлиб, мени олийгоҳда контарктда ўқитдилар. Мана бугун нуфузли бир компанияда бош программист бўлиб иш юритяпман. Худога шукур топшим яхши, уйни ҳам таъмирлатдим. Тўйга ҳам тайёрмиз. Сендан ҳеч нарса керакмас, ҳаммасини ўзим қиламан.
Севинч: Бир йилдан бери учрашаётган бўлсак ҳам бу ҳақида менга айтмагандиз. Иш жойиззи билардимку, аммо бундай мавқега қандай эришганиздан бехабар эдим.
Умид: Тўйимиздан олдин мен ҳақимда ҳамма нарсани билишингни ҳоҳлайман. Бу кунларга етишимиз учун онажоним қанча соғлиқларидан айрилдилар. Энди уларнинг дам оладиган пайтлари келди. Шунинг учун уйланиб, онамни оғирларини енгил қилмоқчиман. Ҳам сени даданг бошқасига бериб юборишидан ҳам қўрқаман.