Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Сарвиноз: Тезроқ олинг, балки дарди тутгандир.
Саид уйқусираб: Алло, Имона тинчликми?
Имонани овози: Алло Саид ака, мазам бўлмаяпти, дардим бошланди. Тезроқ етиб келинг, илтимос.
Саид: Бўлди хавотир олма, ҳозир етиб бораман... деганча телефонни ўчириб Сарвинозга қараб: Жоним ва ниҳоят кутилган кун келди, фарзандимиз дунёга келяпти. Сен яқинда она бўласан.
Сарвинознинг кўзлари ёшланади: Оллоҳимга шукур. Эсон-омон қутулиб, боламизни соғ саломат дунёга келтириб олсин. Борақолинг тезроқ. Болага шикаст етмасин тағин. Саид тезгина ўрнидан туриб кийиняпти.
Сарвиноз эрини кузатаркан: Мени ҳамма нарсадан хабардор қилиб туринг. Боламиз туғилиши билан чақирсангиз секин кўриб келаман.
Саид кулиб қўйиб чиқиб кетади... ЗТМ...
Кадрда орадан кунлар ўтгани Отбивкаси берилади (титр шартмас)
10 – ЭПИЗОД.
Кадрда Имонани ҳовлиси.
Қиз туққан Имона ҳовлисида нимадир иш қиляпти. Шу пайт ҳовлига бир бегона эркак киши кириб келади.
Эркак: Яхшимисиз, синглим?
Имона қўрқиб кетади: Кимсиз?
Эркак: Анвар акани уйлари шуми?
Имона: Йўға, унақа одамни танимайман. Бу мени уйим.
Эркак: Минг бора узр. Манзилни адаштирдим шекилли... деганча чиқиб кетаётганда шундоқ дарвоза олдига бориши билан Саид кириб келяпти.
Бирдан Саидни ранги ўзгариб, кишига бақириб кетади ва ёқасидан олиб, уни силтаб: Ўв кимсан? Бировни ҳовлисида нима қиляпсан?
Эркак: Узр манзилни адаштирбман. Жанжални эшитиб, Имона улар томонга келяпти. Саид эркакни силталаб, бақириб кетади: Менга қара, мени хотинимни олдида нима ишинг бор?
Эркак: Ишонинг, мен хотиниззи танимайман.
Саид уни бир уриб: Алдама аблаҳ!
Эркак: Эй ишонмасангчи, уйда ўтириб хотинингни пойлаб ўтир тушундингми... деганча уни бир силтаб, кўчага тез чиқиб кетади.
Унга қараб турган Имонага Саид бақириб кетади: Ифлос, сенга битта эр камлик қиляптими? Энди мендан беркитиб ўйнаш орттирдингми? Пешинда келмайди деб ўйлагансанда а манжалақи?!