Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Саиднинг кўзлари ерга қараганча: Минг бора узр, қизимга келаётган совчиларни шу ерда кутиб олишимга тўғри келяпти.
Имона: Ҳеч қиси йўқ, Саид ака.
Саид кўзини ердан кўтариб, тўғрисида Имонани кўриб қотиб қолади.
Саид: Иммм...о..на.
Имона: Ҳа, менман, Саид ака. Тоғ-тоғ билан учрашмас экан, аммо одам одам билан учрашаркан.
Саиднинг ранглари ўчиб кетганди: Лекин... қанақа қилиб... ...Умид сени ўғлингми? Унда қизинг укасини севиб қолганми шунда, эй худойим, бу яна қандай жазо? Қандай жазоларинг бўлса, мана менга бер. Аммо қизим мени гуноҳларим учун жавоб бермасин... деганча йиғларди.
Имона: Сизга нима бўлди? Нега бу ҳолатдасиз?
Саид бир нуқтага тикилганча: Сендан қизингни тортиб олганимиздан кейин бир неча йил бахтли, тинч яшадик. Ҳатто сенга қилган зулумимизни унутиб ҳам юбордик. Қизимиз 15 га кирганида Сарвиноз оғир, бедаво дардга чалинди. Югурмаган жойимиз қолмади, аммо у бизни ташлаб кетди. Аёлим билан уйимнинг файзиям, ишимни баракасиям, ҳаммаси кетди. Ишхонамда катта камомад чиқиб, фирмам ёпилиб кетди. Касодга учрадим. Ўзимни қайта тиклолмадим. Икки йилдан бери ўпка касалига учрадим. Дўхтирлар бир неча ойлик умринг қолган дейишди. Лекин кўзимни оқу-қорасини кимга топшириб кетаман деб юракларим эзилиб кетди. Кеча қизимдан севган йигити ҳақида эшитиб, хурсанд бўлиб, бугун совчисини чақиртиргандим.
Имона: Ҳа... ер думалоқ экан, Саид ака...
Саид: Бизни сени қарғишаринг урди, Имона. Агар кечиролсанг кечир мени... деганча йиғларди: Лекин қизим бечора ҳақиқатни билса, севганидан қандай воз кечади?
Имона: Мени қизимнинг исми Малак эдию...
Саид: Хотинимга бу исм ёқмасдан қизимиз оиламиз севинчи бўлсин деб Севинчга ўзгартирганди. Энди нима қиламиз, Имона? Ёшлар бизни кечиришармикан?
Имона: Бизнимас, балки сизни. Менимча, ёшлар бу ҳақиқатни билишмагани яхши. Чунки қизим яхши кўриб қолган йигит аслида менинг боқиб олган болам. Буни тарихи узун. Ҳатто ўғлим бу ҳақиқатни ҳеч қачон билмасин деб, мен уйимни сотиб бошқа томонларга кўчиб кетгандим. Лекин чевар Оллоҳим бизни болаларимиз орқали яна учраштирди.