Savollar Ritorika ilmining shakllanishiga nimalar sabab bo‘ldi?

Otashin vatanparvar Demosfenning nutqlariga xos bo’lgan asosiy xususiyatlar nimalardan iborat?

Demosfen otashin vatan-parvar sifatida o‘zining jo’shqin faoliyatini Filipning istilochilik harakatlarini fosh qilishga qaratadi. Afina demokratik tuzumining tarafdori, o‘z vatanining sodiq farzandi bo‘lgan Demosfen bosqinchilarga qarshi so‘zlagan nutqlarida vatandoshlariga murojaat qilib, yurt ozodligi, el baxti yo‘lida birlashib, dushmanga qarshi kurashishga da’vat etadi.

15. 
    “Oltin gulchambar” voqeasini izohlang.
    

Afina davlati Makedoniya tasarrufiga o‘tgach, Demosfen dushmanlari unga qarshi bosh ko‘taradilar. Bundan bir necha yil ilgari, xalq partiyasi Demosfenning vatanparvarligini yuksak baholab, uni “Oltin gulchambar” bilan taqdirlashga tavsiya etgan edi. Makedoniya tarafdorlari bu qarorga qarshi chiqadilar. Hatto o‘z davrining mashhur notiqlaridan bo‘lgan Esxil majlis qarori ustidan sudga shikoyat qilib ariza beradi va Demosfenning bunday oliy mukofotga loyiq emasligini uqtiradi. Demosfenni qoralab so‘zga chiqqan Esxil tamomila kurakda turmaydigan tuhmat toshlarini yog‘diradi. “Gulchambar”ni himoya qilish maqsadida so‘z olgan Demosfen esa, vatanining gullab-yashnashi yo’lida tinmay kurashganini, shu bilan birga, Esxilning sotqinlikdan iborat faoliyatini yorqin nutqida obrazli tarzda bayon etadi. Sud hukmiga muvofiq Esxilga katta miqdorda jarima solinib, Afinadan badarg‘a qilinadi. Demosfenning “Gulchambar” haqidagi nutqi faqat Esxil ustidan qozonilgan g‘alabagina emas, balki Afina va butun Yunonistondagi vatanparvarlaming tantanasi ham edi.

16.