Saodat sadirova

Kambar yol gullar - shu tipdagi jingalaklarning eng qimmatli shakli hisoblanadi, chunki ular ko'pincha qalam gul jingalaklar bilan birgalikda uchraydi. Serbar va kalta yol gullardan faqat tuzilishi jihatidan emas, balki kelib chiqishi jihatidan ham farq qiladi. Kambar yol gullarning eni mo'tadil tor (3-4 mm) va uzunligi ancha katta ekanligi (30-60 mm) tufayli
93
qalam gul va boshqa xil kambar jingalaklar bilan hamisha qulay ravishda uyg'unlashib, kirpuq, jaket I, qovurg'asimon yupqa I, yassi yupqa gulli I navlarida ko'rkam naqsh hosil qiladi. Kambar yol gullar qorako'lcha guruhiga kiruvchi terilarda, ayniqsa ko'p tarqalgan. Kambar yol gullar ko'pincha archa tarzida ikki tomonga taralgan bo'ladi, bir tomonga taralgan xillari kam uchraydi va ular chala rivojlangan qalam gul ko'rinishiga ega bo'ladi. Kambar yol gullar yaxshi sifatli jun tolalaridan tashkil topadi va sag'risi hamda orqasining ikkala tomonidan joylashadi, shuningdek, yonlari va yag'riniga ham o'tadi.
Kalta yol gullar-o'rtacha kattalikda bo'lib, uzunligi 10-20 mm dan oshmaydi. Odatda, ularning eni bir tekis bo'lmaydi: kengaygan qismi 8-9 mm, tor qismi 6-7 mm keladi. Kalta yol gullar, asosan, yetarlicha ipaksimon, yaltiroq va pigmentlangan yaxshi sifatli jun tolalaridan tashkil topadi. Kalta qalam gul, loviyasimon jingalaklar bilan birgalikda qalin jaket va Moskva jaketida kamroq uchraydi, qovurg'asimon yupqa I va II, qovurg'asimon qalin I va II hamda yassi I va II gulli terilarda ko'proq uchraydi.
Serbar yol gullar - kamroq qimmatli jingalak shaklidir. Ularning kengligi boshidan oxirigacha bir tekisda emas: tubi keng (9-12 mm), uchi toraygan (5-7 mm) bo'lib, ponasimon shaklga o'xshab ketadi. Qariyb bir xil enlilari ham uchrab turadi. Yol guli ancha yirik bo'lganligi sababli qimmatli jingalaklar bilan yaxshi uyg'unlasha olmaydi. Serbar yol gul sal yo'g'onlashgan, dag'al va birmuncha quruq, shishasimon nursiz va xira yaltiroq jun tolalardan tashkil topadi.
Yol gullar qo'zining qomiga va gavdasining oldingi qismiga yaqinroq joylashadi, ba'zan o'rta dorzal chiziq yo'nalishida tarqalgan bo'ladi. Yirik jingalakli qovurg'asimon qalin I va II navlarda hamda duragay qorako'lda ko'proq, qovurg'asimon yupqa I va II navlarda kamroq uchraydi.
Halqa - kam qimmat jingalaklar guruhiga kiradi. Jun tolalari kokilchalarga to'plangan holda jingalaklanib, to'la tutashmagan halqani eslatuvchi shakl hosil qiladi. Halqasimon jingalakning buralganligi ikkita yoy hosil qiladi, ularning pastkisi go'shtpardaga vertikal holatda, ustkisi esa unga gorizontal holatda yotadi. Halqasimon jingalak hosil qiluvchi jun tolalari ancha uzun bo'lgani uchun ular ko'pincha o'zaro chigallashib naqshini yo'qotadi.
94