“sanoat va xizmat ko'rsatish sohalarining raqamli transforma t siyasi: tendensiyalar, boshqaruv, strategiyalar” Xalqaro ilmiy-amaliy anjuman

“DIGITAL TRANSFORMATION OF INDUSTRY AND SERVICES: TRENDS, MANAGEMENT, 
STRATEGIES”
152
➢
транспорт инфратузилмасини бошқариш жараёнида давлатнинг ролини қайта 
кўриб чиқиш, шу жумладан давлат-хусусий шерикчиликнинг турли механизмларини 
ишлаб чиқиш шаклида намоён бўлиши; 
➢
туризм ва транспорт соҳалари вакилларини нотижорат ташкилот шаклида 
бирлаштириш транспорт ва туризм корхоналари интеграциялашган ҳолда фаолият олиб 
боришлари учун янги имконият беради, сабаби улар ҳозирда улар бир бири билан
рақобатга киришганлар.
Барқарор транспортни режалаштириш инсон фаолиятининг мураккаб табиатини 
инобатга олган холда, иқтисодий, ижтимоий ва экологик мақсадларни мувозанатга 
келтириш заруратини тақозо қилади (3.1.1-расм). Бундай режалаштиришда қисқа 
муддатли қарорлар узоқ муддатли стратегик мақсадларни қўллаб-қувватлашини 
таъминлашга қаратилган ва шу сабабли туристик транспортни режалаштиришда муҳим 
аҳамиятга эга. Туристик транспортни барқарор деб ҳисобланиши учун тежамкор, 
маданий ва экологик жиҳатдан такомиллашган ҳамда турли ижтимоий тоифалар, айниқса 
имкониятлари чекланган инсонлар учун қулай ва хавфсиз бўлиши керак. 
Интермодал марказлар ва транспорт хабларни ривожлантиришни рағбатлантириш 
орқали ташриф буюрувчилар оқимини муайян йўналишларга жалб қилиш, бошқариш ёки 
йўналтириш, ва экологик тоза транспорт турларига ўтишни осонлаштириш мумкин. Бу эса 
туристик манзилнинг барқарор имиджини мустаҳкамлашга ёрдам беради. Шу билан бир 
қаторда, агар транспорт ва туризмни ривожлантириш стратегиялари етарли даражада 
ўзаро мувофиқлаштирилмаса, оммабоп туристик йўналишлар ва маршрутлар ҳақиқий 
ёки потенциал ташриф буюрувчилар сони ва оқимига мослаша олмасликлари эҳтимоли 
бор, Бу эса, ўз навбатида сайёҳлар қониқиш даражасини пасайтиради. Сайёхлар учун 
жамоат транспортидан фойдаланишини осонлаштириш ва ҳаракатланишнинг муқобил
имкониятларини (масалан, велосипедлар, пиёдалар) кўпроқ рағбатлантириш салбий 
экологик таъсирларни юмшатиш ва ҳаракатланишдаги тирбандликларни бошқаришга 
ёрдам беради. 
Туризм соҳасида туристларга транспорт хизматларини таклиф этишда туризм ва 
транспорт соҳаларининг ўртасида мувофиқлаштиришнинг йўлга қўйилмаганлиги
ресурслардан самарасиз фойдаланишга олиб келиши мумкин. Институционал ва 
манфаатдор томонларнинг ер ресурсларидан фойдаланиш, функционал вазифалар 
тақсимоти ва молиялаштириш тартиби бўйича мувофиқлаштириш зарурати 
интеграциялашган ва кенг қамровли транспорт тизимини ривожлантириш учун жуда 
муҳимдир.