Sanoat ishlab chiqarishini tashkil etish

1-rasm. Korporativ muhitga ta’sir etuvchi tashqi omillar
Bunday boshqaruv natijasida korporativ madaniyati vujudga keladi va tartib qoidalarning tamoyillari, urf-odatlari va ularni olib borish tartiblar kompleksi shakllanadi.
Korporativ muhitni shakllantirish jarayonida har xil shakllardagi xo‘jalik yurituvchi sub’ektlar va turli xil shaxslar jalb qilinadi (1-rasm).
Korporatsiya rahbariyati qarorlar qabul qilish jarayonida jamiyatni tashkil etuvchi turli xil xo‘jalik yurituvchi sub’ektlarning manfaatlarini hisobga olishi lozim.
Aksiyadorlar korporatsiyalar bilan alohida iqtisodiy aloqalarm tashkil etadi: ular korporatsiyaning tashkil etilishining sababchilari bo‘lib, «xatarli» kapitalning etkazib beruvchilari hisoblanadi, ularning kapitali orqali korporatsiyalarning rivojlanish va o‘sishi kuzatiladi. Korpo­ratsiyalarning barcha harakat va jarayonlarida aksiyadorlarning manfaati hisobga olinishi maqsadga muvofiqdir.
Iste’molchilar o‘ziga alohida e’tibor talab qiluvchilardan biri hisob­lanib, korporatsiyalar ularsiz faoliyat olib borishi mumkin emas. Iste’molchilar sifatli mahsulot va xizmatlarni qoniqarli darajadagi narxda olishni va talabga javob beradigan xizmat turlarini hamda haqiqatga yaqin reklamalarni qabul qilishni istaydi. Agarda korporatsiyalar iste’molchilarning xohishini qoniqtirishga barcha kuchini sarflamasa, korporatsiyalarning asosiy strategik maqsadlarini qo‘ldan boy berilgan-ligidan dalolat beradi va korporatsiyalar uzoq hamda qisqa muddatli omadsizliklarga duch kelishi mumkin.
Xizmatchilar korporatsiyalardan oddiy talablarni qondirilishini so‘raydi, ya’ni oddiy ish haqini to‘lashdan boshlab, to ish beruvchi va xizmatchilar bilan bo‘ladigan boshqa jihatlarini o‘z ichiga qamrab oladi. Imkoniyatlarning tengligi, ish joyida sog‘liqni himoya qilish, moliyaviy bexatarlik, shaxsiy hayotga aralashmaslik, mustaqillik va o‘ziga taalluqli yashash sharoitini ta’minlashni talab qiladi.
Mahalliy aholi ishlab chiqarish jarayonida korporatsiyalar ularga katta ta’sirini ko‘rsatadi. Aholi korporatsiyalardan mahalliy muammolarda ishtirok etish va ularning muammolarini echishda bevosita ishtirokini: ya’ni ta’lim, transportni tashkil etish, dam olish uchun sharoit yaratish, sog‘liqni saqlash tizimini, atrof-muhitni himoyalashni kutadi.