Sanoat ishlab chiqarishini tashkil etish

Belgilangan ishlarni quyidagicha bosqichma-bosqich amalga oshirish zarurdir:

• 
  Korporatsiya faoliyati maqsadlarini va mulkdorlarning jamlash usullarini to‘g‘ri aniqlash.
  
• 
  Aksiyadorlar nazorati ostida korporatsiyalarni qayta tarkiblashni o‘z-o‘zini boshqarish darajasigacha olib borish.
  
• 
  Qo‘yilgan maqsadlarga mos holda tashkiliy tarkibni tanlash, ishlab chiqarish, mahsulotni sotish, innovatsiya va marketing.
  
• 
  Korporatsiya faoliyatini yagona tamoyillarni ishlab chiqqan holda ya’ni missiya, falsafa va boshqa asos bo‘luvchi hujjatlar negizida ishlab chiqish.
  
• 
  Ayniqsa oliy menejerlarga va ishchilarga haq to‘lash falsafasini o‘zgartirish.
  

Mulkchilikning aksiyadorlik shaklini korporativ boshqarish usullarini joriy etishda ko‘rsatib o‘tilgan jihatlarning mavjudligi korporativ hamjamiyatning turli ishtirokchilari manfaatlarining uyg‘unligini va bozor talablari asosida aksiyadorlik korxonalarini rivojlantirishning raqobatbardosh strategiyalaridan foydalanishni taqozo etuvchi sifat jihatdan yangi menejmentni shakllantirishni talab etadi.
Bundan tashqari, korporativ hamjamiyatning turli ishtirokchilari manfaatlarini keskin bozor iqtisodiyoti pozitsiyalaridan bir-biriga bog‘lay oladigan va tez o‘zgaruvchan raqobat muhitida korxonalarni rivojlantirishning moslanuvchan strategiyasini shakllantirishga qodir yangi avlod menejerlarini jalb qilmasdan turib biznesni korporativ boshqarish vazifalarini bajarib bo‘lmaydi.
Respublika korxonalarida korporativ menejment va korporativ munosabatlarning hozirgi ahvolini hisobga olib, korxonalarda korporativ menejmentini takomillashtirishning birinchi o‘rindagi vazifalari sifatida quyidagilarni belgilash mumkin:

• 
  Kuzatuv kengashi a’zolari va boshqaruvchilar tomonidan hamda aksiyadorlarning o‘zi tomonidan ham korporativ huquqning mazmun-mohiyati va imkoniyatlarini chuqur anglab etilishi.
  
• 
  Bevosita aksiyadorlik korxonalari boshqaruv faoliyatini tartibga soluvchi to‘liq me’yoriy hujjatlar paketini ishlab chiqish va qabul qilish.
  
• 
  Aksiyadorlik jamiyatlari ishini ongli boshqarishga aksiyadorlarning keng doirasini eng yuqori darajada jalb qilish.
  
• 
  Korxonalar faoliyatining aksiyadorlar va investorlar uchun maksimal ochiqligi hamda oshkoraligini ta’minlash.
  
• 
  Aksiyadorlik jamiyatlari boshqaruvining yuqori va ijro organlari o‘rtasidagi o‘zaro ta’sir darajasini oshirish.
  

«Oqilona ish haqi» tamoyilidan har bir ishchining real qo‘shgan hissasini hisobga olgandagi to‘lanadigan ish haqi tamoyiliga o‘tish, joriy foydaga ega bo‘lish, korporatsiyaning kapitalizatsiyalangan foydasini shakllantirish muammosini hal qilishda aksiyadorlarning shaxsiy qiziqishlarini korporativ menejment orqali echish mumkin.
O‘zbekiston Respublikasi 1996-yili 26-aprelda qabul qilingan «Aksiyadorlik jamiyatlari va aksiyadorlarning huquqlarini himoya qilish to‘g‘risida» gi qonuniga binoan O‘zbekiston milliy korporativ boshqaruv modeli tuzilmasi quyidagi rasmda izohlanadi (2- rasm),

• 
  To‘liq shirkatlar va kommandit xo‘jalik shirkatlari.
  
• 
  Mas’uliyati cheklangan jamiyatlar.
  
• 
  Qo‘shimcha mas’uliyatli jamiyatlar.
  
• 
  Aksiyadorlik jamiyati.