Sanoat iqtisodiyoti va menejmenti

2. AMALIY MASHG’ULOT MATERIALLARI
MAVZU. «KOOS KORXONALARI IQTISODIYOTI» FANNING
MAQSADI VA VAZIFALARI
Ushbu amaliy mashg’ulot BBB, baliq skleti, pinbord texnikasi, grafik organayzerdan foydalanish mumkin.
Tayanch iboralar
Iqtisodiyot, tarmoqlar, moddiy ishlab chiqarish, “Iqtisodiyot doimo moddiydir”, kompyuterlashtirish, informatizatsiya, internet tarmog‘i, ishlab chiqarish infrato’zilmasi, ijtimoiy infrato’zilma, fan-texnika taraqqiyoti, «Korxona iqtisodiyoti», samaradorlik, iqtisodiy barqarorlik, raqobatchilik ko’rashi, boshqarish tizimi, talab va taklif, fanning tadqiqotlari ob’ekti, fanning predmeti, fanning maqsadi.
«Korxona iqtisodiyoti» - aholi va xalq xo‘jaligi uchun zarur bo‘lgan mahsulot ishlab chiqarish, ish bajarish va xizmat ko‘rsatishning ijtimoiy-iqtisodiy va ma’muriy-xo‘jalik mexanizmlarini o‘rganuvchi va ochib beruvchi fandir. U tabiat va jamiyatning muayyan ishlab chiqarish sharoitlarida rivojlanishining ob’ektiv qonunlari namoyon bo‘lishi va amal qilishiga, shuningdek, korxonalar faoliyatiga bevosita va bilvosita ta’sir ko‘rsatuvchi davlat miqyosida qabul qilinuvchi qoida, normativ va qonun hujjatlariga tayanadi.
«Korxona iqtisodiyoti» xuddi boshqa fanlar kabi birinchi o‘rinda o‘rganish funksiyasini bajaradi. Uning mahsulot ishlab chiqarish moddiy-texnika resurslarini sarf qilishni talab qilishi bilan, xodimlar mehnati ularga haq to‘lash va rag‘batlantirishning boshqa shakllari bilan, daromad hajmi esa xarajatlar miqdori va bahoni shakllantirish bilan bog‘liq bo‘lgan qo‘shma korxonalarda sodir etiluvchi hodisa va jarayonlarni o‘rganishi va izohlashi mo‘ljallangan. Bunda gap qandaydir omillarni oddiy tarzda konstatatsiya qilish haqidagina emas, balki korxonalar iqtisodiy hayotining mohiyatini anglash, ularning iqtisodiy ahvolini yaxshilash yo‘llarini tanlash, baholash va tahlil qilish, eng muhim iqtisodiy jarayonlarni prognozlashtirish va modellashtirish haqida ham boradi.
Fanning predmeti bozor munosabatlari sharoitlarida korxonalar faoliyatining nazariy va amaliy asoslarini, korxonalar faoliyatida iqtisodiy qonuniyatlarning namoyon bo‘lishini, shuningdek, ularning ishlab chiqarish va xo‘jalik faoliyati samaradorligini reurslardan oqilona foydalanish, ratsional boshqaruv, investitsion va tadbirkorlik faolligi asosida oshirish yo‘llarini aniqlash bilan ifodalanadi.